خارجی مطبوعات خلاصه لری 13.11.1395

خارجی مطبوعات خلاصه لری 13.11.1395

آلمان دیر شبیغل Der Tagesspiegel روزنامه سی: فتوچیلرنی حمایه قیلگن مارکیل گه بمب آتیلگن مجلس کورساتیله دی دیب یازگن:

آلمان باش وزیری انجیلا مارکیل، پنجشنبه کون (ایرته گه) ترکیه ده جمهور رئیس رجب طیب ایردوغان بیلن اوچره شه دی. بو باش وزیر اوچون جوده قیین بیر سفر بولیب اوته دی. چونکه مارکیل گه انقره ده فتح الله چی ترور تشکیلاتی موازی دولت ساختاری (FETÖ/PDY) تامانیدن 15 جولای کودتا تشبثیده بمب آتیلگن ترکیه بویوک ملت مجلسی کورساتیله دی. کودتاچیلرنینگ حربی جیت لری بیلن هجوم اویوشتیریلگن خلق نینگ نماینده لیگی ده گی شدت نینگ دلیل لرینی مارکیل گه کورساتیله دی. ترک سیاستچیلر غرب ده گی اولکه لردن نیمه اوچون کودتانینگ احتمالی شریک لری نینگ تسلیم ایتیلیشینی سوره گن لیکلرینی تشریح ایتگن بوله دیلر. مارکیل بو تصویرلرنی کورگندن کیین فتودن حمایه قیلیش گه دوام ایته دی می؟ معلوم ایمس دیب یازماقده.

فرانسه AFP آژانسی: "ترکیه ترامپ نی مهاجرلر بیلن تیگیشلی سیاستینی قیته دن تیکشیریب چیقیشینی سوره دی:

باش وزیر اورین باسری نعمان قورتولموش، امریکا قوشمه ایالتلری دولت باشلیغی دونالد ترامپ نی کوپراغی مسلمان بولگن 7 اولکه نینگ وطنداشلری نینگ امریکاگه کیریشینی توخته تیب قویگن لیگی بیلن علاقه لی فرمانینی قیته دن تیکشیریب چیقیشینی سوره دی. قورتولموش "غرب ده کوپه ییب بارگن خارجی دشمن لیگی و مهاجر مخالفی تویغوسیدن و اسلام دشمن لیگی نینگ باعث بو قرانینگ قبول ایتیلیشی ممکن ایمس" دیدی. قورتولموش هیچ بیر اولکه نینگ وطنداشی نینگ حتمی یمان ایکن لیگینی ایتیش ممکن ایمس" دیب، ایتدی. بونقه بیر قرارنینگ امریکا قوشمه ایالتلری کبی برچه دین و اتنیک گروه لردن عبارت بیر اولکه ده آلینگن لیگی جدی شکلده یاره لاوچی دیب، قیغوسینی بیلدیردی.

قطر، الجزیره تلویزیونی : خوفسیز منطقه گه اولکه لرنینگ نظری:

سوریه ده مهاجرلر اوچون خوفسیز منطقه ایجاد ایتیش تصمیمی خلق ارا جمعیت نینگ تقریباً همه سی تامانیدن قبول ایتیلدی. امریکا قوشمه ایالتلری دولت باشلیغی دونالد ترامپ نینگ سعودی عربستان نینگ شاهی بیلن عملگه آشیرگن تیلفونی صحبتیده خودی شو منطقه نینگ ایجاد ایتیلیشی قبول بولیب چیقدی. روسیه تشقی ایشلر وزیری سرگای لاوروف سوریه رژیمی نینگ موافقتی و بیرلشگن ملتلر تشکیلاتی نینگ اشتراکی شریط بیلن سوریه توپراقلریده مهاجرلر اوچون خوفسیز منطقه ایجاد ایتیش فکری نینگ اوزلری اوچون یمان فکر ایمس ایکن لیگینی ایتدی. سوریه حکومتی نینگ تشقی ایشلر وزیری ولید معلم ایسه بو منطقه نینگ اولکه سی نینگ توپراقلریده ایجاد ایتیلیشی توغریسیده سوریه حکومتی بیلن مناسبت ایچیده ایجاد ایتیلیشی کیره ک لیگینی عکسی حالده امنیتی تأمین بولمس لیگینی و سوریه نینگ حاکمیتینی اخلال بولرلیگینی بیلدیردی. ترکیه تامانیدن ایسه ابتدادن بیری خوفسیز منطقه موضوع سی أوباما اداره سیگه تکلیف ایتیلگن لیگی و دفاع قیلگن بیر موضوع ایدی. بیراق یالغیزگینه ایران بو توغریده سیس چیقرمه ی تورگن.

لبنان الاخبار روزنامه سی: ترکیه – اسرائیل نینگ یقن لاشووی:

اسرائیل تشقی ایشلر وزیرلیگی مستشاری یوال روتم بوگون سوریه ده گی وضعیت داخل منطقه ده گی ینگی لیکلرنی مطرح قیلیش و تورلی ساحه لرده اوچره شوولر عملگه آشیریش اوچون پایتخت انقره گه باره دی. ترکیه نینگ توریزم وزیری نبی آوجی هم کیلگوسی هفته نینگ باشیده تل عفیف ده خلق ارا توریزم کنفرانسی گه اشتراک ایتیش اوچون اسرائیل گه سفر قیله دی. بو سفر بیلن ایککی اولکه آره سیده گی مناسبت نینگ قیته دن باشله ییشی و نورمال بولیشی نینگ آرتیدن یوقاری مرتبه لی بیر ترک اداره چی نینگ اسرائیل گه قیله دیگن سفر بوله دی.