ترکیه مطبوعاتیدن خلاصه لر ۰۴.۰۹.۱۳۹۵

صباح روزنامه سی, میلادی ۲۰۱۵ نچی ییلیده خلق ارا مقیاسده گی اسلامی سرمایه نینگ ۲,۱ تریلیون دالر گه کوتریلیب کیتگن لیگی نی بیلدیرگن ترکیه جمهوریتی جمهوررئیسی رجب طیب اردوغان نینگ, خارجی اسعار بازاری باسیمیدن نجات تاپیش اوچون پول واحدی اورنی گه آلتین دن استفاده ایتیلیشی نی طلب ایتگن لیگی نی بیلدیرماقده. 

خبرده, اسلام همکارلیک تشکیلاتی اقتصادی و تجارتی همکارلیک دایمی کمیته سی نینگ ۳۲ نچی ییغیلیشی جریانیده معروضه قیلگن اردوغان نینگ, اسلام همکارلیک تشکیلاتی اولکه لری نینگ خلق ارا مقیاسده گی بحران لر گه قرشی اوز لری نی چیدملی بیر وضعیت گه کیلیتیریش گه مجبور ایکن لیگی نی بیلدیرگن لیگی قید ایتیلماقده. 

وطن روزنامه سی ایسه بیرگن بیر خبریده, خودی منه شوو ییغیلیش نینگ اوزیده جمهوررئیسی اردوغان نینگ, غرب ده گی اسلام هراس لیک و ارقچی لیک مسئله سی گه دقت قره تگن لیگی نی معلوم قیلماقده. 

خبرده, اسلام عالمی گه قرشی دواملی روشده اوین لر اوینلیتگن لیگی نی بیلدیرگن جمهوررئیسی اردوغان نینگ, امریکا قوشمه ایالتلری, اوروپا و قالیویرسه برچه غرب دنیا سیده مسلمان لر گه قرشی هجوم لرنینگ کونساین آرتیب باریتگن لیگی نی بیلدیرگن لیگی ایسله تیلماقده. 

روزنامه, اردوغان نینگ, "مسجد لری میز نی یاقماقده.  بولر نینگ همه سی غربده بولماقده.  ایندی اوشبو وضعیت گه قرشی عکس العمل کورسه تیشی میز کیره ک" دییه قید ایتگن لیگی نی یازماقده. 

ستار روزنامه سی, ترکیه جمهوریتی باش وزیری بنعلی ییلدیریم نینگ, ترکیه ده دالر نرخی نینگ کوتریلیب باریتگن لیگی و بانک لرنینگ قرضه بیریش خصوصیده تنبل لیک قیلیتگن لیک لری نینگ فتح الله چی ترور تشکیلاتی موازی دولت ساختاری FETÖ/PDY و اونی حمایه لیتگن ایریم تمان لرنینگ پلانی دن عبارت ایکن لیگی نی بیلدیرگن لیگی نی قید ایتماقده. 

خبرده, اوشبو اوین لرنی درک ایتیتگن لیک لری و خودی منه شوو اوین لر گه قرشی کیره ک لیک تدبیر لرنی آلیتگن لیک لری نی بیلدیرگن باش وزیر ییلدیریم نینگ, "بیر نیچه کون مابینیده اقتصاد بوییچه یخشی ینگی لیکلر بوله دی" دییه قید ایتگن لیگی ایسله تیلماقده. 

ینی شفق روزنامه سی, ترکیه نینگ اوروپا بیرلیگی گه عکس العمل کورسه تیش مقصدی بیلن شانگهای همکارلیک تشکیلاتی گه قوشیله دیگن لیگی نی بیلدیرگن لیگی نی ایسلتماقده. 

خبرده, اوشبو ینگی لیک آرتیدن اوروپا پارلمانی نینگ آغزی نینگ آچیلیب قالگن لیگی معلوم قیلینماقده.

روزنامه, ترکیه ده ایسه خلق نینگ تروریزم نی حمایه لیتگن اوروپا بیرلیگی گه قرشی عکس العمل کورسه تیب باشله گن لیگی گه دقت قره تماقده. 

شونده ی قیلیب خبرده, ۱۶ مینگ کیشی نینگ اشتراکی بیلن بولیب اوتگن بیر تحقیقات نتیجه سیده اوشبو کیشی لرنینگ ۸۸ فایزی نینگ ترکیه نینگ ایندی اوروپا بیرلیگی مذاکره لریدن اوزاق توریشی کیره ک ایکن لیگی نی بیلدیرگن لیگی یازیلماقده. 

روزنامه, مذاکره لرنینگ دوام ایتیشی گه طرفدار بولگن کیشی لرنینگ فقط گینه ۹ فایزدن عبارت ایکن لیگی نی بیلدیررایکن, ۳ فایز لیک بیر قسمی نینگ ایسه قرار سیز ایکن لیک لری نی بیلدیرماقده. 

خبرترک روزنامه سی, شانگهای همکارلیک تشکیلاتی انرژی بولیمی میلادی ۲۰۱۷ نچی ییلی باشلیغی نینگ ترکیه دن عبارت بولگن لیگی نی یازماقده.

خبرده, انقره نینگ فقط گینه اعضا اولکه لر ایمس, بلکه همه اولکه لرنینگ دوره ای ریاست نی اوز بوینی گه آلیشی کیره ک ایکن لیگی گه تیگیشلی طلبی نینگ مسکوده بولیب اوتگن ییغیلیش جریانیده آرا اتفاقی بیلن قبول قیلینگن لیگی گه دقت قره تیلماقده. 

روزنامه, شونده ی قیلیب ایلک مراتبه اعضا اولکه لر دن تشقری باشقه بیر اولکه گه ریاست بیریلگن نی معلوم قیلماقده. 

خبرده, ترکیه جمهوریتی انرژی و طبعی منبع لر وزیری برات آلبیرق نینگ, "اوشبو موضوع انرژی ستراتیژی لری میز نینگ ینه ده یخشیراق بیر شکلده تطبیق ایتیلیشی و همکارلیک لری میز بوییچه فایده لی بوله دی" دییه قید ایتگن لیگی بیلدیریلماقده. 

روزنامه, اوشبو تشکیلات نینگ دنیا برقی نینگ ۳۶, طبعی گازی نینگ ۲۳, پطرولی نینگ ۲۰ و کومیری نینگ ایسه ۶۰ فایزی نی تامین ایتیب بیریتگن لیگی نی ایسلتماقده.