جهان مطبوعاتیدن خلاصه لر ۰۵.۰۸.۱۳۹۵

امریکا نینگ سیسی رادیوسی, ترکیه جمهوریتی عدلیه وزیری بکر بوزداغ نینگ, امریکا قوشمه ایالتلری جهتی دن اسامه بن لادن نینگ قنده ی بیر معنی گه ایگه بولسه, فتح الله گولن نینگ هم ترکیه جهتی دن شونده ی بیر معنی گه ایگه ایکن لیگی نی بیلدیرگن لیگی نی معلوم قیلدی. 

خبرده, بوزداغ نینگ, فتح الله چی ترور تشکیلاتی موازی دولت ساختاری FETÖ/PDY نینگ رهبری فتح الله گولن نینگ ترکیه گه تاپشیریلیشی بیلن علاقه لی امریکا قوشمه ایالتلری گه جونب کیتمسدن آلدین انقره ده ایسن بوغه قونلغه سیده ایریم بیانات لر بیرگن لیگی قید ایتیلدی. 

خبرده, بوزداغ نینگ, "تاپشیریلمس لیگی یاکه اوشبو ایش نینگ اوزاق بیر مدت بیلن دوام ایتیشی ترکیه بیلن امریکا آره سیده گی مناسبت لر گه منفی تاثیر قالدیره دی.  بیز بیر تروریست سببلی ترکیه بیلن امریکا آره سیده گی مناسبت لرنینگ بوزیلیب قالیشی گه طرفدار ایمس میز. امریکا قوشمه ایالتلری جهتی دن اسامه بن لادن قنده ی بیر معنی گه ایگه بولسه, فتح الله گولن هم ترکیه جهتی دن شونده ی بیر معنی گه ایگه" دییه قید ایتگن لیگی بیلدیریلدی.

آلمان نینگ نشراتی اورگانیدن عبارت دوچه ویله, ترکیه جمهوریتی تشقی ایش لر وزیری مولود چاووش اوغلی نینگ, ترکیه گه قره ته هر قنده ی بیر تهدید نینگ مطرح بولیشی تقدیرده, عراق نینگ شمالی گه پیاده کوچ لرنینگ کریشی داخل برچه تدبیر لرنینگ آلینه دیگن لیگی نی بیلدیرگن لیگی نی معلوم قیلماقده. 

خبرده, خصوصی بیر تلویزیون بیلن مصاحبه قیلگن چاووش اوغلی نینگ, "ترکیه گه قره تیلگن هر قنده ی بیر تهدید نینگ بحث موضوعی بولیشی تقدیرده, زمینی عملیات داخل برچه تدبیر لر نی آله میز.  عراق ده گی ینگی لیک لرنینگ ترکیه نینگ خوف سیزلیگی گه ضرر بیره دیگن بیر وضعیت گه کیلیشی تقدیرده, سوریه ده گی داعش نینگ تهدیدی بیز نینگ صبری میز نی تاشیریب یوبارگن لیگی دیک, بو ییرده هم سنجار و باشقه منطقه لردن بیز گه قره تیلگن تهدید نینگ بحث موضوعی بولیشی تقدیرده زمینی عملیات داخل برچه امکانیت لری میزدن فایده له نه میز" دییه قید ایتگن لیگی ایسله تیلماقده. 

امریکا قوشمه ایالتلری نشراتی اورگانیدن عبارت ترکیشنی, امریکا قوشمه ایالت لری دولت رهبری باراک اوباما نینگ, ترور تشکیلاتی داعش گه قرشی کوره ش بوییچه خاص نماینده سی بریت مک گورک نینگ, "پی کا کا بیر ترور تشکیلاتیدن عبارت بولیب ترکیه و عراق نینگ شمالیده گی محللی رهبریت اوچون تهدید تشکیل ایتماقده" دییه قید ایتگن لیگی نی بیلدیرماقده. 

خبرده, عراق پایتختی بغداد ده ترتیب لنگن مطبوعاتی کنفرانس جریانیده صحبت ایتگن مک گورک نینگ, اوشبو مسئله نینگ عراق نینگ شمالی ده گی محللی رهبریت و مرکزی حکومت آره سیده حل ایتیلیشی کیره ک ایکن لیگی نی بیلدیرگن لیگی ایسله تیلماقده. 

خبرده, گورک نینگ, موصل عملیاتی نینگ هم موجود پلان دایره سیده دوام ایتیتگن لیگی نی بیلدیررایکن, اوشبو عملیات نینگ قیین بولیب اوزاق بیر مدت بیلن دوام ایته دیگن لیگی نی بیلدیرگن لیگی معلوم قیلینماقده.

عینی دمده خبرده, گورک نینگ, داعش نینگ کیچیک مقیاس لیک تروریستیک هجوم لری نی آرتریب یوباریشی نینگ ممکن ایکن لیگی نی بیلدیرگن لیگی قید ایتیلماقده. 

روسیه نینگ انترفکس خبر آژانسی, روسیه تشقی ایش لر وزیری سرگی لاوروف نینگ, روسیه نینگ, ترک آقیمی پروژه سی نینگ ایککینچی قسمی نی فقط گینه اوروپا بیرلیگی دن پروژه نینگ تطبیق ایتیله آله دیگن لیگی گه تیگیشلی گرنتی طلب ایتیلیشی تقدیرده گینه اوزه ته دیگن لیگی نی بیلدیرگن لیگی نی معلوم قیلماقده. 

خبرده, اوروپا لیک سرمایه دار لرنینگ سه شنبه کونی مسکوده ترتیب له گن ییغیلیشی گه اشتراک ایتگن لاوروف نینگ, "جنوبی آقیم نینگ موفقیت سیز بولیشی آرتیدن اوشبو قوور نی اوروپا بیرلیگی توپراق لری گه فقط گینه ایککی تامانلمه معنی لر گه ایگه بولمه گن رسمی گرنتی بیریلیشی آرتیدن اوزه ته میز" دییه قید ایتگن لیگی بیلدیریلماقده. 

عینی دمده خبرده, لاوروف نینگ, ترکیه بیلن روسیه آره سیده ترک آقیمی پروژه سی بیلن علاقه لی کیلیشوو گه قول قویلگن لیگی نی بیلدیررایکن, اوشبو کیلیشوو نینگ طبعی گاز قووری نینگ اوروپا و اینیقسه یونان ده ساختمانی ایش لری نینگ باشله تیلیشی نی هم قمره گن لیگی نی بیلدیرگن لیگی معلوم قیلینماقده.