ترکیه مطبوعاتیدن خلاصه لر ۲۹.۰۶.۱۳۹۵

خبرترک روزنامه سی, ترکیه ده بوگون قریب ۱۸ میلیون اوقوچی نینگ مکتب لر گه باریشیب اوز درس لری نی باشله گن لیگی نی بیلدیرماقده. 

خبرده, بوگون باشله گن ۲۰۱۶ و ۲۰۱۷ تعلیمی ییلی درس لری نینگ, میلادی ۲۰۱۷ نچی ییلی جون آیی نینگ ۹ نچی کونیده اداغگه ییته دیگن لیگی ایسله تیلماقده.

روزنامه, مکتب لرده ایلک درس هفته سیده اساساً ترکیه ده فتح الله چی ترور تشکیلاتی موازی دولت ساختاری FETÖ/PDY نینگ  جولای آیی نینگ ۱۵ نچی کونیده قیلگن کودتا تشبثی بیلن علاقه لی حساسیت موضوعی نینگ توشینتیریلیب بیریله دیگن لیگی نی قید ایتماقده. 

خبرده, اوقوچی لر گه اوشبو ترور تشکیلاتی نینگ توشینتیریلیب بیریلگن کتاب لر نینگ ترقه تیلگن لیگی قید ایتیلماقده. 

روزنامه, مکتب لرنینگ ایککینچی کونیده ایسه اوقوچی لر نینگ دموکراسی قهرمان لری حقیده مکتوب یازه دیگن لیک لری نی بیلدیرماقده.

صباح روزنامه سی, بیرلشگن ملت لر تشکیلاتی رهبر لر ییغیلیشی گه اشتراک ایتیش اوچون امریکا قوشمه ایالتلری گه جونب کیتگن ترکیه جمهوریتی جمهوررئیسی رجب طیب اردوغان نینگ بولیب اوته دیگن اوچره شوو لر جریانیده, فتح الله چی ترور تشکیلاتی موازی دولت ساختاری FETÖ/PDY نینگ  جولای آیی نینگ ۱۵ نچی کونیده گی کودتا تشبثی حقیده معلومات بیره دیگن لیگی نی قید ایتماقده. 

خبرده, رهبر لر بیلن اوشبو ترور تشکیلاتی نینگ کودتا تشبثی گه تیگیشلی تیارلنگن راپور توغری سیده هم صحبت ایته دیگن جمهوررئیسی اردوغان نینگ, ترک خلقی نینگ دموکراسی نی اسره ب قالیش بوییچه کوره شی توغری سیده هم معلومات بیره دیگن لیگی ایسله تیلماقده. 

روزنامه, اردوغان نینگ, دنیا نینگ ۱۷۰ اولکه سیده تعلیمی برنامه لر بهانه سی بیلن فعالیت آلیب باریتگن فتح الله چی ترور تشکیلاتی موازی دولت ساختاری FETÖ/PDY گه قرشی رهبر لرنینگ هوشیار بولیشی نی طلب ایته دیگن لیگی نی یازماقده. 

خبرده, اردوغان نینگ, امریکا ده امریکالیک سرمایه گذارلر, مهم شخصیت لر و امریکا ده گی ترک و مسلمان جمعیت لر بیلن صحبت ایته دیگن لیگی هم بیلدیریلماقده. 

ینی شفق روزنامه سی, ساغلیق توریزمی دن قول گه کریتیتگن عایداتی میزانی نی میلادی ۲۰۲۳ نچی ییلیده ۲۰ میلیارد دالر گه آرتیریش نی هدف قیلیب آلگن ترکیه نینگ, اوشبو ساحه بوییچه موفقیت لری نینگ اعلانات ده هم عکس ایتگن لیگی نی بیلدیرماقده. 

خبرده, سونگگی ۶ ییلده ترکیه گه تداوی اوچون کیلیتگن چیت ایل لر نینگ سانی نینگ ۵ قوات گه آرتیب کیتیب ۶ یوز مینگ گه کوتریلیب کیتگن لیگی بیلدیریلرایکن, ساغلیق توریزمی دن قول گه کریتیلگن عایدات میزانی نینگ ایسه ۲,۵ میلیارد دالر گه کوتریلیب کیتگن لیگی ایسله تیلماقده. 

روزنامه, اوروپا اولکه لری بیلن سالشتیریلگنده ترکیه ده ایریم عملیات لرنینگ ۶۰ فایز مقیاسیده ارزان ایکن لیگی نی بیلدیرماقده.

خبرده, خودی منه شوو موضوع نینگ اوزی نینگ چیت ایل لیک لرنینگ ترکیه گه تداوی اوچون کیلیش لری گه سبب بولیتگن لیگی قید ایتیلماقده.

ستار روزنامه سی, ترکیه ده ملی معدن تحقیقات لری مرکزی نینگ قوریله دیگن لیگی نی بیلدیرماقده. 

خبرده, اوشبو مرکز ده ترکیه ده معدن بیلن علاقه لی توپلنگن برچه معلومات لر نینگ همه سی نینگ سقله نه دیگن لیگی ایسله تیلماقده. 

روزنامه, شونده ی قیلیب اوشبو مرکز ده گی معلومات لر دن مشترک بیر شکلده استفاده ایتیله دیگن لیگی گه دقت قره تماقده. 

وطن روزنامه سی, جاری ییلده ترکیه ده اینیقسه قربان هییت بیرمی نینگ ۹ کون لیک رخصتی سیدن فایده له نیب ترک تبعه لری نینگ ترکیه نینگ ایچیده توریستیک جای لر گه بارگن لیک لری نی معلوم قیلماقده. 

خبرده, شونده ی قیلیب اوشبو دایره ده قریب ۷۰۰ مینگ ترک تبعه سی نینگ توریستیک جای لر گه بارگن لیک لری ایسله تیلماقده. 

روزنامه, عینی دمده خودی منه شوو کون لرنینگ اوزیده روسیه و آلمان دن هم کوپلب توریست نینگ ترکیه گه کیلگن لیک لری نی معلوم قیلماقده.