ترکیه مطبوعاتیدن خلاصه لر ۱۲.۰۶.۱۳۹۵

ینی شفق روزنامه سی, ترکیه جمهوریتی جمهوررئیسی رجب طیب اردوغان نینگ عدلی ییل نینگ باشله نیشی بیلن علاقه لی بولیب اوتگن محفلده قیلگن صحبتیده, ترکیه نینگ فتح الله چی ترور تشکیلاتی موازی دولت ساختاری FETÖ/PDY نینگ جولای آیی نینگ ۱۵ نچی کونیده گی کودتا تشبثی جریانیده و اوندن کیینگی ینگی لیک لر آرتیدن ایندی دوستی و دشمنی نی جوده یخشی تانیب آلگن لیگی نی بیلدیرگن لیگی نی معلوم قیلماقده. 

خبرده, اردوغان نینگ, " جولای آیی نینگ ۱۵ نچی کونیده اسمی نی تاریخ گه آلتین حرف لر بیلن یازدیرگن ملتی میز اولوغ بیلن ملتدن عبارت. اوشبو وضعیت نینگ اوزی مسئولیتی میز نی ینه ده آرتیریب یوباردی.  جولای آیی نینگ ۱۵ نچی کونیدن کیین آرتیب کیتگن مسئولیت لری میز نی قانون چیلیک, اجرائیه و قضائی اورگان لر صفتیده همه میز بیر یقه دن باش چیقریب بجا کیلتیره میز" دییه قید ایتگن لیگی بیلدیریلماقده. 

وطن روزنامه سی, ترکیه ده گی کودتا تشبثی دن ۴۵ کون کیین اوشبو اولکه گه کیلگن اوروپا پارلمانی باشلیغی مارتین شولتز نینگ اوشبو کمچیلیک لری سببلی ترکیه دن کیچیریم سوره گن لیگی نی ایسلتماقده. 

خبرده, شولتز نینگ ترکیه جمهوریتی باش وزیری بنعلی ییلدیریم بیلن ترتیب له گن مشترک مطبوعاتی کنفرانسی جریانیده, "جوده هم خائنانه بیر تروریزم مشکلی گه دوچ کیلیب قالگن بیر اولکه دن بحث ایتماقده میز.  جولای آیی نینگ ۱۵ نچی کونیده بیر اولکه گه قره تیلگن هجوم لرنی تماشا قیلدیک. سیلنگن جمهوررئیسی نینگ دعوتی گه خلق مثبت جواب قیتردی.  جولای آیی نینگ ۱۵ نچی کونیده گی حادثه آرتیدن اوروپا بیرلیگی نینگ ییترلیک مقیاسده حمایه سی نینگ بحث موضوعی بولمه گن لیگی گه تیگیشلی تنقید لر گه قولاق سالدیم.  کیره ک لیک عکس العمل نی کورستمه دیک.  معلوماتی میز بولمه گن خصوصلرده معلومات ایگه سی بولیش امکانیتی گه ایگه بولدیک" دییه قید ایتگن لیگی گه دقت قره تیلماقده. 

حریت روزنامه سی, ترکیه نینگ صادرات میزانی نینگ آگست آییده ۶,۹ فایز مقیاسیده آرتیب کیتیب ۱۱,۱ میلیارد دالر گه کوتریلیب کیتگن لیگی نی معلوم قیلماقده. 

خبرده, ترکیه صادراتی نینگ اینگ کوپ آرتیب کیتگن سکتور نینگ موتر سکتوریدن عبارت بولگن لیگی بیلدیریلماقده. 

روزنامه, شونده ی قیلیب آرتیب کیتگن صادرات میزانی نینگ ۲۳,۷ فایز لیک قسمی نینگ اوشبو سکتور گه عاید ایکن لیگی نی یازماقده. 

خبرده, خودی منه شوو سکتور نینگ صادرات میزانی نینگ ۱ میلیارد ۶۸۰ میلیون دالردن عبارت بولگن لیگی گه دقت قره تیلماقده. 

روزنامه, صادرات میزانی نینگ تیار کییم سکتوریده, ۱ میلیارد ۶۱۲ میلیون دالر و کیمیا سکتوریده ایسه ۱ میلیارد ۲۰۷ میلیون دالر دن عبارت بولگن لیگی نی یازماقده. 

صباح روزنامه, ترکیه جمهوریتی فرهنگ و توریزم وزیرلیگی نینگ, ترکیه نینگ توریزمی نینگ رواجلنتریلیشی اوچون جدی بیر شکلده فعالیت آلیب باریتگن لیگی نی معلوم قیلماقده.

خبرده, ترکیه نینگ انتالیا ولایتیده بولیب اوتگن ترکیه- روسیه میدیا ییغیلیشی دایره سیده سرمایه دارلر, توریزم سکتوری نینگ مهم شخصیت لری و ترکیه جمهوریتی توریزم وزیرلیگی مسئول لری نینگ روسیه میدیا سی بیلن بیر ییغیلیش اوتکزگن لیگی ایسله تیلماقده. 

روزنامه, توریزم وزیرلیگی تانیتیش عمومی رئیسی عرفان اونال نینگ, ترکیه ده دینگیز و قویاش دن تشقری فرهنگ و انادولو شهر لری نینگ توریزم سکتوری گه قوشیمچه قیلینه دیگن لیگی نی بیلدیررایکن, "ایندی فرهنگ, سودا – ساتیق و ساغلیق بیلن انادولو نی هم قوشیمچه قیلیب تانیتیش فعالیت لری میز نی آلیب باره میز" دییه قید ایتگن لیگی نی بیلدیرماقده.