ترکیه نینگ مطبوعات خلاصه لری 11.5.1395

ترکیه نینگ مطبوعات خلاصه لری 11.5.1395

خبر ترک روزنامه سی: دولت و عسکریه نینگ ساختاری، 15 نچی جولای کودتا تشبثی نینگ آرتیدن اعلان ایتیلگن فوق العاده وضعیت چوکاتیده گی قرارنامه بیلن قیته دن قوریلیب، ملکی دورگه اینلیب قالدی. قوت قومندانلیکلری ملی مدافعه وزیرلیگی گه قوشیلدی. عسکری مکتب لر یاپیلدی. ملی مدافعه عالی بیلیم یورتی قوریلدی. یوکسک عسکری شورا ملکی بولیب اوزگردی. یوکسک عسکری شورانینگ ینگی ساختاری 10 کیشی حکومت اعضاسی بیلن 4 قومندان دن عبارت بوله دی. دیب یازماقده

حریت روزنامه سی: 15 نچی جولای کیچه سی خونخوارانه کودتا تشبثی گه قول اورگن کودتاچیلر، همکارلیک اوچون امریکا قوشمه ایالتلری قوراللی کوچلر قومندانی جنرال جوزف دانفورد گه قونغراق قیلگن ایکن دیب یازگن خبری نینگ دوامیده امریکا خبر سایتی بزفییدنینگ خبریگه کوره قوراللی کوچلر قومندانی خلوصی آقرنی گروگان آلگن کودتاچیلر تیلفون آرقه لی دانفورددن همکارلیک سوره گن. بیراق امریکالیک عسکری اداره چیلر تیلفونگه جواب بیریب، دانفوردنی اویغتمه گن و کودتاچیلرگه دانفوردنینگ وقتی بولمه گن لیگینی معلوم قیلیب، تیلفوننی یاپیب قویگن دیب یازماقده

صباح روزنامه سی: 81 ولایت ده آلیب باریلگن دموکراسی احتفالی اروپانینگ اورته سیگچه یاییلیب کیتدی دیب یازماقده. روزنامه 80 مینگ کیشی اروپانینگ تورلی منطقه لریدن کیلیب، آلمان نینگ کولن شهریده دموکراسی احتفالی اویوشتیردی. برچه توسیقلرگه بناً ترکلر میدانلرنی تولدیریب، ملی اداره گه صاحب چیقدی و دنیاگه درس بیردی. جمهور رئیس ایردوغان نینگ ساحه ده قوریله دیگن تصویر آرقه لی صحبت عملگه آشیریشی گه اجازه بیریلمه گن لیگی باعث، انقره عکس العمل کورستدی دیب یازماقده

وطن روزنامه سی: کودتا تشبثی نینگ آرتیدن سیزیش و تبلیغ حرکتی باشله تیلدی. سوداگرلر دنیاسی ترک خلقی نینگ دموکراسی مجادله سینی مملکت دن تشقریگه بیرگن اعلاناتلری بیلن دنیاگه انعکاس بیرماقده دیب یازگن خبریده ترک صنایع و سوداگرلر انجمنی بو معناده خلق ارا جامعه نی بو حقده توغری ادراک ایتیشی گه باعث بولیش اوچون فینانسیئال تایمز، لی مونده، واشنگتن پوست و فرانکفورتر آلگماینه زیتونگ روزنامه لریگه "ترکیه قانونی تیزیم نی محافظه ایتیش" عنوانی بیلن اعلان نشر قیلدی. صبانجی هولدینگ هم ترکیه و دموکراسیگه بولگن اعتقادینی خلق ارا جامعه گه معرفی قیلیب اوتدی دیب یازماقده.

یینی شفق رزنامه سی: خلق ارا میدیا اداره لریده کودتا تشبثی نینگ آرتیدن ترکیه گه قرشی خبرلرنینگ آرتیب بارگن لیگی باعث عدالت و توسعه حزبی فعالیت باشله تدی دیب یازگن خبری نینگ دوامیده 20 دن آرتیق اولکه گه هیأتلر یوباریلیب، عامه وی فعالیت عملگه آشیریله دی. هیأتلر بارگن اولکه گه فتونینگ کودتا تشبثی بیلن مذکور اولکه لرده گی فعالیتلر حقیده معلومات بیریب اوته دیلر. عدالت و توسعه حزبی بو چوکاتده فتو و اورتاقلری نینگ دنیا مقیاسیده آلیب بارگن تبلیغ لرینی برطرف ایتیش و مخاطب لرگه مستقیم معلومات بیریب، ناتوغری توشونچه لرنی اصلاح قیلیش نی آماج له ماقده دیب یازماقده.