ترکیه مطبوعاتیدن خلاصه لر ۰۸.۰۵.۱۳۹۵

ینی شفق روزنامه سی, فتح الله چی ترور تشکیلاتی موازی دولت ساختاری FETÖ/PDY نینگ  کودتا تشبثی سببلی معلوم قیلینگن تاریخدن آلدین بولیب اوتگن ترکیه جمهوریتی عالی حربی کینگشی ییغیلیشی جریانیده, ترکیه قوراللی کوچلری قوماندان لیک لریده اوزگریش بولمه گن لیگی نی بیلدیرماقده.  

خبرده, ترکیه جمهوریتی قوراللی کوچلری قوماندانی سترجنرال خلوصی آقر, پیاده کوچلری قوماندانی سترجنرال ساحل ذکی چولاق, هوائی کوچلری قوماندانی سترجنرال عابدین اونال و دینگیز کوچ لری قوماندانی جنرال بولنت بوستان اوغلی نینگ وظیفه لری نینگ دوام ایتیتگن لیگی ایسله تیلماقده.  

عینی دمده خبرده, متقاعد بولگن ژاندارمری قوماندانی سترجنرال غالب مندی نینگ اورنی گه سترجنرال یاشار گولر نینگ تعین ایتیلگن لیگی قید ایتیلماقده.  

روزنامه, بیرینچی اردو قوماندانی سترجنرال امید دوندار نینگ ایسه ترکیه قوراللی کوچ لری ایککینچی قوماندانی اوله راق تعین ایتیلگن لیگی نی معلوم قیلماقده.  

صباح روزنامه سی, فتح الله چی ترور تشکیلاتی موازی دولت ساختاری FETÖ/PDY نینگ  کودتا تشبثی نینگ موفقیت سیزلیک گه اوچره تیلیشی جریانیده شهید بولگن ملکی لر اوچون باشله تیلگن, "جولای آیی نینگ ۱۵ نچی کونی همآهنگ لیک کمپاینی" گه قیسقه بیر مدت مابینیده انسان لرنینگ کتته قیزیقیش کورستگن لیک لری نی بیلدیرماقده.  

خبرده, ترک ملتی نینگ اوشبو شهید لرنینگ وارث لری نینگ قیین چیلیک لری نی ییچیش اوچون بیر یقه دن باش چیقرگن لیگی ایسله تیلماقده.  

روزنامه, اوشبو یاردم لرنینگ بانک لر آرقه لی بیریله دیگن دیک, ترکسل, ودافون یاکه ترک تیلیکوم واسطه سی بیلن ۱۵۰۷ نمبریگه پیام یوباریب هم ۵ ترک لیره سی یاردم ایتیش لری نینگ ممکن ایکن لیگی نی قید ایتماقده. 

ستار روزنامه سی, "فتح الله چی ترور تشکیلاتی موازی دولت ساختاری FETÖ/PDY نینگ کودتا تشبثی چیت ایل لیک لرنی ترکیه دن واز کیچیره آلمه دی" عنوانی بیلن بیرگن بیر خبریده, فتح الله ترور تشکیلاتی نینگ کودتا تشبثی نینگ, چیت ایل لیک لرنینگ ترکیه ده سرمایه گذارلیک قیلیشی گه مانع بوله آلمه گن لیگی نی بیلدیرماقده.  

خبرده, ترکیه ده فعالیت آلیب باریتگن مایکروسافت, آی بی ایم, نیستل, تویوتا, ۳ ایم و سومیتی رابر کبی شرکت لرنینگ ترکیه گه ایشانگن لیک لری نی بیلدیررایکن, اوشبو اولکه ده سرمایه گذارلیک لری گه دوام ایته دیگن لیک لری نی بیلدیرگن لیک لری قید ایتیلماقده.  

روزنامه, اوشبو شرکت لرنینگ, "ترکیه ده ایش قیلگنی میز اوچون خرسند میز. ترکیه نینگ رواجله نیشی گه حصه قوشیش نی ریجه له ماقده میز" دییه قید ایتگن لیک لری نی معلوم قیلماقده.  

خبرترک روزنامه سی, فتح الله چی ترور تشکیلاتی موازی دولت ساختاری FETÖ/PDY نینگ  چیت ایل لرده گی بیر مینگ ۵۰۰ مکتبی نینگ ترک مکتب لری اوله راق یاد ایتیلیشی نینگ توسیق له نه دیگن لیگی گه دقت قره تماقده.  

خبرده, باش وزیر لیک تشقی ترک لر و اقارب ریاستی ده بولیب اوتگن ییغیلیش جریانیده اوشبو مکتب لرنینگ ترک مکت لری اوله راق یاد ایتیلیتگن لیگی گه دقت قره تیلرایکن, خودی منه شوو مکتب لرنینگ ایندی ترک مکتب لری صفتیده یاد ایتیلمسلیگی اوچون مسئول لر بیلن صحبت ایتیلیشی گه قرار بیریلگن لیگی بیلدیریلماقده.  

عینی دمده خبرده, اوشبو ییغیلیش جریانیده خلق ارا جامعه و چیت ایل لرده گی ترک لر گه کودتا تشبثی نینگ مقصد لری و اوشبو تشبث نینگ قنده ی قیلیب موفقیت سیزلیک گه اوچره تیلگن لیگی خصوصیده معلومات بیریلیشی گه قرار بیریلگن لیگی معلوم قیلینماقده.  

روزنامه, اوشبو مقصد بیلن ۱۱ تیلده فتح الله چی ترور تشکیلاتی موازی دولت ساختاری FETÖ/PDY بیلن علاقه لی بیر متن نینگ تیارلنگن لیگی نی یازماقده.  

حریت روزنامه سی, اوکرائین نینگ نیپرو شهری میتروسی بیلن علاقه لی داوطلبی نی ترکیه نینگ لیماک شرکتی نینگ قازانگن لیگی نی معلوم قیلماقده.  

خبرده, ۲۲۴ میلیون یورولیک و ۴,۵ کیلومتر لیک اوشبو میترو نینگ اوچ بیکت گه ایگه بوله دیگن لیگی گه دقت قره تیلماقده.  

روزنامه, لیماک نینگ فقط گینه ساختمان ایمس, بلکه دیزاین و برق ایش لری نی هم قیله دیگن لیگی نی یازماقده. 

خبرده, ۳۰ دن آرتیغراق خلق ارا ساختمان شرکتی نینگ اشتراک ایتگن اوشبو داوطلبی نی قازانگن لیماک نینگ, آلدین هم کویت خلق ارا قونلغه سی نینگ ینگی ترمینالی داوطلبی سی نی قازانگن لیگی گه دقت قره تیلماقده.