خارجی مطبوعات خلاصه لری 30.4.1395

خارجی مطبوعات خلاصه لری 30.4.1395

امریکانینگ سیسی رادیوسی – امریکا: جمهور رئیس رجب طیب ایردوغان و امریکا قوشمه ایالتلری دولت باشلیغی بارک اوباما، ترکیه ده گی کودتا حرکتی بیلن علاقه لی تیلفون آرقه لی صحبت عملگه آشیردی. آق اویدن بیریلگن تحریری بیاناتده اوبامانینگ "ترکیه نینگ دموکراتیک یولدن سیلنگن ملکی حکومتینی زوروانلیک بیلن آغدریش حرکتینی محکوم ایتگن لیگینی و ترک دموکراسی سیگه همکارلیگینی افاده ایتگن لیگی بیلدیریلگن. مذکور بیاناتده بارک اوبامانینگ ترک خلقی نینگ بو زوروانلیککه قرشی قاطعانه توخته گن لیگینی و دموکراسیگه قره ته بولگن ایشانچینی مخته گن لیگی" قید ایتیلدی. اوباما جمهور رئیس ایردوغان گه امریکا اوله راق کودتا حرکتی بیلن علاقه لی آلیب باریله یاتگن تحقیق ده ترکیه لیک اداره چیلرگه مناسب هکمارلیک قیلیش اوچون آماده ایکن لیکلرینی بیلدیرگن.

ریا نووستی روزنامه سی – روسیه: ترکیه باش وزیری بن علی ییلدیریم اولکه سی نینگ وطنداشلریگه یوز بیرگن کودتا حرکتیدن کیین اولکه ده استقرارنی برهم اوریش و وضعیت دن فایده لنیش مقصدی بیلن آلیب باریلگن تبلیغ لرگه الدنمس لیکلرینی سوره دی دیب یازماقده. روزنامه ییلدیریم انقره ده مطبوعات گه بیرگن بیاناتیده "داها دقت لی بولیشیمیز کیره ک. بیز بو پَست کودتا حرکتی نینگ آرتیدن اولکه ده وضعیت نی نورمال قیلماقده ایکن، وضعیت و شرایط دن اوز فایده لریگه بناً تبلیغ لرنینگ یوز بیریشی هر بیر پیتده ممکن دیر. تبلیغ آرقه لی آلغه بارماقچی بولگنلر عمال لریگه گرفتار بولیشی کیره ک" دیگن لیگینی یازماقده

اسوشیتیت پرس – انگلستان: ترکیه نینگ عسکری قومنده قدمه سی جمعه کون یوز بیرگن کودتا حرکتیدن مسؤل برچه عنصرلرنینگ برطرف ایتیلگن لیگینی بیان ایتدی. قوراللی کوچلر تامان بیریلگن تحریری بیاناتده اولکه مقیاسیده برچه تروریست گروه لری نینگ یک شنبه کون توشدن کیین ساعت 04:00 دن باشلب، تماماً برطرف ایتیلگن لیگی ایتیلدی. بیاناتده سیاسی رهبرلیک، صادق خوفسیزلیک کوچلری نینگ قهرمان لیگی و ملت نینگ جسور لیگی بیلن "قوچاغیمیزده باققن ییلانلر گه اوزلری لایق بولگن جواب بیریلدی" دیب ایتیلگن. اداره نینگ رسمی رقم لریگه کوره جمعه کون یوز بیرگن کودتا حرکتی 232 کیشی نینگ اولیشی و 1.541 نفرنینگ یره لنیشی بیلن اوز نهایه سیگه ییتیب باردی دیب یازماقده.

خلق ارا چین رادیوسی – چین: امریکا قوشمه ایالتلری مدافعه وزیری اشتون کارتر ترکیه لیک تینگداشی فکری ایشیق بیلن تیلفون آرقه لی صحبت عملگه آشیرگن لیگی بیلدیریلدی. پانتگون دن بیریلگن تحریری بیاناتده کارترنینگ امریکا قوشمه ایالتلری نینگ ترکیه نینگ دموکراتیک یوللر بیلن سیلنگن ملکی حکومتی نی حمایت قیلگن لیگینی ترکیه لیک وزیر ایشیق نینگ ایسه ترکیه نینگ داعش و تورلی تروریزم گه قرشی مجادله ده قاطعانه بیر اورتاقلیق آلیب بارگن لیگینی افاده ایتگن لیگی قید ایتیلگن. مذکور بیاناتده ایککی وزیرنینگ انجیرلیک قونلغه سیدن آلیب باریله یاتگن داعش گه قره دته عملیاتلرنینگ اهمیتی توغریسیده سوز یوروتگن لیکلری بیلدیریلدی. فکری ایشیق نینگ داعش گه قره ته مجادله ده اورین آلگن بعضی بیر اولکه لرنینگ مدافعه وزیرلری نینگ امریکا قوشمه ایالتلریده گی جلسه سیگه اوزی نینگ قتنشیشی نینگ ممکن ایمس ایکن لیگینی بیلدیرگن لیگی و عین دمده کارتر بیلن ایشیق نینگ کیلگوسی کونلرده ارتباط ده بولیش توغریسیده کیلیشگن لیکلری افاده ایتیلگن.