جهان مطبوعاتی دن خلاصه لر ۱۲.۰۹.۱۳۹۳

روسیه ده باسیلیب چیقه دیگن ریا نوویستی روزنامه سی, اوچ کون لیک بیر سفر بیلن ترکیه گه کیلگن کاتولیک دنیا سی نینگ رهبری پاپ فرانسوا نینگ جمعه کونی ترکیه جمهوریتی جمهوررئیسی رجب طیب اردوغان بیلن اوچره شگن لیگی نی بلدرماقده.
خبرده, جمهوررئیسی اردوغان نینگ, اوشبو اوچره شو آرتیدن ترتیب لنگن مشترک مطبوعاتی کنفرانس جریانی ده بیرگن بیانات لری ده, ترکیه بیلن پاپ نینگ هیچ بیر موضوع بوییچه فرقلی فکر گه ایگه ایمس لیگی نی بلدرگن لیگی قید ایتیلماقده.
عینی دمده خبرده, اردوغان نینگ, منطقه ده قان توکیلیتگن لیگی سببلی زود لیک بیلن ییچیم یولی نینگ تاپیلیشی نینگ مهم ایکن لیگی نی بلدررایکن, اوشبو دایره ده پاپ نینگ قیلگن خودی منه شو سفری نینگ کتته اهمیت گه ایگه ایکن لیگی نی ایسله تیب اوتگن لیگی گه دقت قره تیلماقده.
بوندن تشقری خبرده, اردوغان نینگ حاضرگی کونده دنیا ده اسلام دینی بیلن علاقه لی یمان بیر مفکوره نینگ موجود ایکن لیگی نی معلوم قیلرایکن, خودی منه شو مفکور نینگ یوق ایتیلیشی کیره ک ایکن لیگی نی ایسله تیب اوتگن لیگی بلدریلماقده.
آلمان نینگ DPA روزنامه سی, ترکیه جمهوریتی جمهوررئیسی رجب طیب اردوغان نینگ روسیه لیک تینگداشی ولادیمیر پوتین بیلن اوچره شیشی آرتیدن بیرگن بیانات لری ده, میلادی ۲۰۲۳ نچی ییلی گه قدر روسیه بیلن ترکیه آره سیده گی تجارت حجمی نی ۱۰۰ میلیارد دالر گه آرتریش نی هدف قلیب آلیتگن لیک لری نی بلدرگن لیگی نی معلوم قلماقده.
خبرده, روسیه دولت رهبری ولادیمیر پوتین نینگ هم, ترکیه گه ینه ده ارزان راق بیر شکل ده گاز ساتیش نی وعده بیرگن لیگی ایسله تیلماقده.
بوندن تشقری خبرده, روسیه نینگ ترکیه ده گی ایلک هستوی سنترال نی قوره دیگن لیگی هم بلدریلماقده.
خبرده, ترکیه بیلن روسیه آره سیده گی تجارت حجمی نینگ میلادی ۲۰۱۳ نچی ییلی ده ۳۳ میلیارد دالر گه کوتریلیب کیتگن لیگی گه دقت قره تیلماقده.
عینی دمده خبرده, ایککی اولکه نینگ انرژی و تجارت ساحه سی بوییچه همکارلیک کیلیشوی گه قول قویگن لیگی معلوم قلینماقده.
روزنامه, اردوغان بیلن پوتین آره سیده بولیب اوتگن اوچره شو لر جریانی ده اساساً سوریه ده گی وضعیت و داعش گه قرشی کوره ش باره سیده بحث ایتیلگن لیگی گه دقت قره تماقده.
سویدن ده باسیلیب چیقه دیگن سیوینسکا باغبلادیت روزنامه سی, ترکیه نینگ اوروپا بیرلیگی وزیری ولکان بوزقیر گه کوره, ترکیه نینگ ایککی ییل لیق بیر مدت مابینیده اوروپا بیرلیگی گه اعضالیک اوچون تیار وضعیت گه کیله دیگن لیگی نی معلوم قلماقده.
جاپان ده باسیلیب چیقه دیگن نیهون کیزای شیمبون روزنامه سی, ترکیه جمهوریتی باش وزیری احمد داوود اوغلی نینگ اورین باسری علی بابه جان نینگ استانبول ده "نیکی شیمبون" روزنامه سی بیلن قیلگن مصاحبه سیده, بودیجه کسری نینگ کمیتیریلیشی اوچون ریفورم لرنی دوام ایتتریش فکری ده ایکن لیک لری نی بلدرگن لیگی نی ایسلتماقده.