جهان مطبوعاتی دن خلاصه لر ۳۰.۰۷.۱۳۹۳

الجزیره نینگ انترنت سایتی ده, ترکیه جمهوریتی جمهوررئیسی رجب طیب اردوغان نینگ افغانستان گه قیلگن سفری جریانی ده بیرگن بیانات لری ده ترکیه نینگ افغانستان گه قره تیلگن یاردم لری نینگ دوام ایته دیگن لیگی نی بلدرگن لیگی ایسله تیلماقده.
خبرده, اردوغان نینگ, بیر کون لیک اوشبو سفری جریانی ده افغانستان لیک تینگداشی اشرف غنی احمدزی بیلن اوچره شگن لیگی معلوم قلینماقده.
عینی دمده خبرده, ایککی رهبر نینگ اوز ارا اوچره شیش لری آرتیدن مشترک بیر مطبوعاتی کنفرانس ترتیب له گن لیک لری بلدریلماقده.
خبرده, اوشبو مطبوعاتی کنفرانس جریانی ده اردوغان نینگ, "آلدین دن بولگن لیگی دیک, ترکیه نینگ افغانستان بیلن بولگن همکارلیک لری دوام ایته دی" دییه قید ایتگن لیگی ایسله تیلماقده.
بوندن تشقری خبرده, جاری ییل نینگ سونگگی ده آیساف نینگ وظیفه سی مدتی نینگ اداغگه ییته دیگن لیگی نی بلدرگن اردوغان نینگ, بونگه قره مسدن ترکیه, امریکا قوشمه ایالت لری, آلمان و ایتالیا خوف سیزلیک کوچ لری نینگ افغانستان ده قاله دیگن لیک لری نی بلدرگن لیگی معلوم قلینماقده.
اردوغان نینگ, اوشبو اوچره شو جریانی ده ایککی اولکه آره سیده گی سیاسی, حربی و تجارتی علاقه لر باره سیده بحث ایتگن لیک لری نی بلدرگن لیگی ایسله تیلماقده.
خبرده, افغانستان جمهوررئیسی اشرف غنی احمدزی نینگ ایسه, ترکیه نینگ اولکه سی گه هر ساحه بوییچه یاردم ایتگن لیگی نی بلدرگن لیگی قید ایتیلماقده.
روسیه نینگ ایتار تاس خبر آژانسی, جمهوررئیسی اردوغان نینگ, افغانستان گه قیلگن سفری جریانی ده بیرگن بیانات لری ده, سوریه نینگ شمالی ده امنیت بیر منطقه نینگ تشکیل ایتیلیشی نینگ اوشبو توپراق لرنینگ اشغال ایتیلیشی معنی سی گه کیلمیدیگن لیگی نی بلدرگن لیگی نی معلوم قیلماقده.
خبرده, اردوغان نینگ, "هدف, ترکیه گه کیلگن سوریه تبعه لری گه اوز توپراق لری گه قیتیش لری اوچون زمینه یره تیش دن عبارت. شوباعث او ییرده امنیت بیر جای نینگ تشکیل ایتیلیشی کیره ک" دییه قید ایتگن لیگی ایسله تیلماقده.
فرانسه خبر آژانسی, آق اوی تمانیدن بیریلگن بیر بیانات ده, امریکا قوشمه ایالت لری دولت رهبری بره ک اوبه مه نینگ ترکیه جمهوریتی جمهوررئیسی رجب طیب اردوغان گه قونگغراق قلیب, داعش گه قرشی کوره ش بوییچه فعالیت لر نی آرتریش نی وعده بیرگن لیگی نی ایسلتماقده.
خبرده, ایککی رهبر نینگ کوبانی ده گی سونگگی وضعیت و داعش نینگ آلغه کیتیشی گه مانع بولینیشی اوچون آلینه دیگن تدبیر لر باره سیده بحث ایتگن لیک لری معلوم قلینماقده.
عینی دمده خبرده, امریکا قوشمه ایالت لری دولت رهبرلیگی تمانیدن ترقه تیلگن بلدروده, اوبه مه نینگ, کوبانی دن کیلگن مینگ لب مهاجر نی بغری گه باسگن لیگی اوچون ترکیه گه اوز منتدارچیلیک لری نی بلدررایکن, داعش گه قرشی کوره ش بوییچه ترکیه بیلن بولگن همکارلیک لری نینگ دوام ایته دیگن لیگی نی بلدرگن لیگی ایسله تیلماقده.
اطریش ده باسیلیب چیقه دیگن در ستندرت روزنامه سی, اوروپا بیرلیگی کمیسیونی نینگ, ترک ایشچی لر و عایله لری نینگ حق لری اوچون اوروپا عدالت دیوانی ده اطریش بیلن علاقه لی دعوا اقامه ایته دیگن لیگی نی معلوم قیلماقده.
خبرده, اوروپا بیرلیگی کمیسیونی نینگ اینگ سونگ اپریل آیی ده اطریش گه هوشدار بیرگن لیگی قید ایتیلماقده.
روسیه نینگ Kommersant.ru انترنت سایتی, ترکیه بیلن روسیه آره سیده گی هوائی ترانسپورت نینگ رواجلنتریلیشی بیلن علاقه لی پلان لر نینگ, هوا چیلیک سکتوری گه مهم بیر مقدار ده تاثیر قالدیره دیگن لیگی نی یازماقده.
خبرده, مسکو نینگ, ترانس ایرو و ایروفلوت هوا یولی شرکت لری نینگ استانبول اوچیش لری سانی نی آرتریشی نینگ, ترک هوا یول لری نینگ هم روسیه گه قره تیلگن اوچیش لری سانی نی آرتریشی گه سبب بولیشی نینگ ممکن ایکن لیگی بلدریلماقده.