جهان مطبوعاتی دن خلاصه لر ۲۵.۰۴.۱۳۹۳

چین رسمی خبر آژانسی شینهوا, ترکیه جمهوریتی جمهوررئیسی عبدالله گل نینگ, جمهوررئیس لیگی قصری ده چین نینگ ینگی تعین ایتیلگن انقره ایلچیسی یو هونگیانگ نی قبول ایترایکن, چین بیلن ستراتیژیک همکارلیک نی تشویق ایتیش گه تیار ایکن لیک لری نی بلدرگن لیگی نی یازماقده.
هسپانیا ده باسیلیب چیقه دیگن له وانگاردیا, ترکیه جمهوریتی باش وزیری رجب طیب اردوغان نینگ, آگست آیی ده بولیب اوته دیگن سیلاو لر نتیجه سیده جمهوررئیسی ایتیب سیله نیشی تقدیرده, ترکیه ده ینگی اساسی قانون گه اهمیت بیریله دیگن لیگی نی ایسله تیب اوتگن لیگی نی بلدرماقده.
روزنامه, باش وزیر اردوغان نینگ, "ینگی اساسی قانون فعالیت لری میز نینگ اینگ اساسی قسمی نی تشکیل ایته دی. شوندای قلیب ینگی بیر اساسی قانون, ینگی بیر کیله جک دیمک" دییه قید ایتگن لیگی نی ایسلتماقده.
اوزبیکستان ملی خبر آژانسی اوزا, ترکیه جمهوریتی تشقی ایش لر وزیری احمد داوود اوغلی نینگ اوزبیکستان جمهوررئیسی اسلام کریموف بیلن اوچره شگن لیگی نی بلدررایکن, اوشبو اوچره شو جریانیده ایککی اولکه آره سیده گی علاقه لر دن تشقری, فرهنگی و اجتماعی ساحه لر بوییچه مناسبت لرنینگ آرتریلیشی گه اهمیت بیریلگن لیگی و ایککی تمانلمه اوله راق توریست لرنینگ باریب – کیلیش لری گه طرفدار لیک بلدریلگن لیگی نی قید ایتماقده.
اطریش ده باسیلیب چیقه دیگن سالزبرگ نخریختن, اوروپا هوا یول لری بیرلیگی نینگ باشلیغی و ترک هوا یول لری نینگ رئیسی کامیل کوتیل نینگ, طویل المدت اوله راق اویلنگنده آسیا و اوروپا هوا یولی ده ترافیک نینگ آرتیب کیته دیگن لیگی نی بلدرگن لیگی نی ایسلتماقده.
ترکیه نینگ استانبول شهری ده میلادی ۲۰۱۸ نچی ییلی دن کیین دنیا نینگ اینگ کتته قونلغه سیدن عبارت بوله دیگن بیر قونلغه نینگ قوریلیتگن لیگی نی بلدرگن روزنامه, "بیز هم آسیا و همده اوروپا گه داخل میز. ترکیه ایککی منطقه نی هم ارتباط بیرماقده. اورته شرق و آسیا ده گی هوا یولی شرکت لری بیلن بیرگه بیز نینگ هم بازار ده گی حصه میز آرتیب کیته دی. عینی دمده آسیا و اوروپا ده یولاوچی لرنینگ سانی کونساین آرتیب بارماقده" دییه قید ایتگن لیگی گه دقت قره تماقده.
جاپان ده باسیلیب چیقه دیگن شیمبون روزنامه سی, ترکیه نینگ اقتصاد وزیری نهاد زیبکچی نینگ استانبول ده جاپان اقتصاد, تجارت و صنایع وزیری بیلن اوچره شگن لیگی نی معلوم قلماقده.
روزنامه, ایککی وزیر نینگ جاری ییل نینگ سونگگی گه قدر اقتصادی همکارلیک کیلیشوی بیلن علاقه لی ایلک ییغیلیش نینگ بولیب اوتیشی گه تیگیشلی کیلیشیب آلگن لیک لری نی یازماقده.
روزنامه, ترکیه نینگ تاووق گوشتی و لیمو سنگری محصولات نی جاپان گه صادر قلیش گه طرفدار ایکن لیگی نی بلدرماقده.