جهان مطبوعاتی دن خلاصه لر ۱۴.۰۳.۱۳۹۳

ترکیه جمهوریتی باش وزیری نینگ اورین باسری بولنت آرینچ قطر پایتختی دوحه ده بولیب اوتگن ۸ نچی الجزیره ییغیلیشی گه اشتراک ایتدی.
آرینچ دوحه ده الشرق روزنامه سی بیلن قیلگن مصاحبه سیده, ترکیه بیلن قطر نینگ انرژی منبع لری و اقتصادی کوچ گه ایگه اولکه لر دن عبارت ایکن لیک لری نی بلدررایکن, برچه ساحه لر بوییچه علاقه لرنینگ آرتریلیشی اوچون اوشبو خصوصیت لر دن فایده له نیلیشی کیره ک ایکن لیگی نی معلوم قلدی.
آرینچ, "قطر ده ترک شرکت لری نینگ سرمایه گذارلیگی و رواجله نیشی اوچون یخشی امکانیت لر موجود. اوشبو موضوع قطر نینگ شهر لری نینگ رواجله نیشی گه حصه قوشه دی" دییه قید ایتدی.
آرینچ, دوحه گه قیلگن سفری جریانی ده, اقتصادی و تجارتی علاقه لر باره سیده بحث ایتیلگن لیگی نی ایسله تیب اوتدی.
اوشبو دایره ده آرینچ ترکیه نینگ قطر دن طبعی گاز آلیش گه دوام ایته دیگن لیگی نی بلدررایکن, قطر نینگ سوریه خلقی نینگ حمایه له نیشی بیلن علاقه لی سیاست لری نی تقدیر ایتیتگن لیک لری نی معلوم قلدی.
ترکیه ده ایریم اوچره شو لر اوتکزگن آلمان نینگ اوروپا بیرلیگی بوییچه دولت وزیری مایکل رود, ترکیه بیلن بولگن علاقه لری نینگ یخشی له شیشی گه طرفدار ایکن لیک لری نی ایسله تیب اوتدی.
آلمان نینگ DPA خبر آژانسی, رود نینگ, ترکیه نینگ اوروپا بیرلیگی گه عاید ایکن لیگی نی بلدررایکن, براق, دموکراسی و حقوق دولتی ساحه سیده گی کمچیلیک لری نینگ برطرف ایتیلیشی کیره ک ایکن لیگی نی بلدرگن لیگی نی معلوم قلدی.
خبرده, ترکیه بیلن آلمان آره سیده گی علاقه لرنینگ یخشی له شیشی کیره ک ایکن لیگی نی بلدرگن رود نینگ, اوروپا بیرلیگی نینگ قضا و اساسی حق لر دن عبارت ۲۳ نچی و ۲۴ نچی فصل لر باره سیده ترکیه بیلن مذاکره ایتیشی گه طرفدار ایکن لیک لری نی ایسله تیب اوتگن لیگی قید ایتیلماقده.
ایران نینگ مهر خبر آژانسی, ایران ملی پطرول شرکتی نینگ تشقی علاقه لر بوییچه مسئولی سید محسن قُمصری نینگ, ترکیه گه صادر ایتیلیتگن پطرول مقداری نینگ جاری ییل ده اوزگرمه گن لیگی نی بلدررایکن, "ترکیه بیلن بولگن کیلیشو لر گه کوره, کونده اورته چه ۱۰۰ الی ۱۱۰ مینگ بیرل خام پطرول قوشنی اولکه گه صادر ایتیلماقده" دییه قید ایتگن لیگی نی بلدرماقده.
مهر خبر آژانسی بیرگن باشقه بیر خبری ده, مسکو ده ترکیه جمهوریتی تشقی ایش لر وزیری احمد داوود اوغلی و روسیه لیک تینگداشی سرگی لاوروف باشچی لیگی ده تورتینچی روسیه – ترکیه مشترک ستراتیژیک پلان لش گروپی ییغیلیشی نینگ بولیب اوتگن لیگی نی بلدرماقده.
روسیه تشقی ایش لر وزیرلیگی نینگ سایتی ده بیریلگن خبرده, اوشبو ییغیلیش جریانی ده منطقه و خلق ارا مقیاس ده گی معما لر باره سیده کینگ کولملی اوله راق بحث ایتیلگن لیگی قید ایتیلدی.
اوشبو سایت آرقه لی بیریلگن بیانات ده, انقره ده روس بیلیم و فرهنگ مرکزی نینگ آچیلگن لیگی بلدریلرایکن, شوندای قلیب جاری ییل نینگ سونگگی گه قدر مسکو ده هم ترک فرهنگ مرکزی نینگ آچیله دیگن لیگی گه دقت قره تیلدی.