اکوادورده تورکیه کورگزمه سی آچیلدی

جنوبی امریکا اولکه سیدن عبارت اکوادورده, تورکیه جمهوریتی نینگ 100 ییلیگی مناسبتی بیلن "تورکیه گوزه للیکلری" کورگزمه سی آچیلدی. 

دنیا نینگ فرقلی شهرلریده 15 مراتبه بولیب اوتگن تورکیه گوزه للیکلری کورگزمه سی, لاتین امریکاده ایلک مرتبه آچیلگن بولدی. 

تورکیه نینگ فرقلی منطقه لریده گی طبیعی, معماری و تاریخی گوزه للیک لردن نمونه لرنینگ کورسه تیلگن اوشبو کورگزمه نینگ آچیلیشیگه اکوادور مدنیت و میراث وزیری رومینا موناز, تورکیه نینگ کیتو ایلچیسی مقبوله باشاق یالچین, کوپلب اولکه لر نینگ دیپلماتیک نماینده لری و خوددی شوو ییر نینگ اوزیده یشیاتگن تورک لر اشتراک قیلدی. 

اکوادور مدنیت و میراث وزیری موناز, قیلگن صحبتیده, اینیقسه سونگّی بیر ییلده گی فرهنگی فعالیت لر نتیجه سیده تورک مدنیتی نینگ اکوادور خلقی گه ینه ده کوپراق یقینلشگن لیگینی بیلدیررایکن, اوشبو وضعیتدن خرسند ایکن لیک لرینی ایسله تیب اوتدی. 

تورکیه نینگ کیتو ایلچیسی یالچین ایسه اکوادور خلقی نینگ تورکیه مدنیتی گه قیزیقیش کورسه تیاتگن لیگینی بیلدیررایکن, جمهوریت نینگ ایکّینچی عصریده گی بو سیوگی سببلی خرسند ایکن لیک لرینی معلوم قیلدی.