استانبول توریستیک شهر لر آره سیده بیرینچی اوریننی ایگلله دی

میلادی 2023- ییلده اینگ کوپ توریست کوتیب آلگن شهر لر آره سیده تورکیه نینگ استانبول شهری بیرینچی اورین گه ایگه بولدی. 

بازار قیدیریش شرکتی دن عبارت یورومونیتور انترنشنل, میلادی 2023- ییلده اینگ کوپ توریست کوتیب آلگن شهر لر لیستی نی اعلان قیلدی.  اوشبو لیستده تورکیه دن ایکّی شهر اورین آلدی. 

ییگیرمه میلیون 200 مینگ توریست نینگ ترجیحی بیلن لیستده بیرینچی اوریننی ایگلله گن استانبول آرتیدن, 18 میلیون 800 مینگ توریست بیلن لندن ایکّینچی و 16 میلیون 800 مینگ سیاح بیلن ایسه دبی اوچینچی اورین گه ایگه بولدی. 

لیستده تورتینچی اورین نی 15 میلیون 700 مینگ سیاح بیلن تورکیه نینگ آنتالیا شهری کسب ایتدی. 

لیستده گی اینگ کوپ توریست کوتیب آلگن شهر لر استانبول (تورکیه), لندن (انگلستان), دبی (بیرلشگن عرب امیرلیک لری), آنتالیا (تورکیه), پاریس (فرانسه), هنگ کنگ (چین), بانگکوک (تایلند), نیویورک (امریکا قوشمه ایالتلری), کانکون (مکسیکو) و مکه (سعودی عربستان) دن عبارت.