شمالی قبرس تورک جمهوریتی حقیده مستند فلم تیارلندی

سونگّی پیتلرده گی موفقیتلی فعالیتلری بیلن دقت لرنی اوزیگه قره تگن تورکیه نینگ اینگ مهم خلق ارا تلویزیونی دن عبارت تی آر تی ورلد ینگی بیر حجتلی فلم تیارله دی.

شمالی قبرس تورک جمهوریتی نینگ قوریلگن لیگی نینگ 40 ییللیگی مناسبتی بیلن تیارلنگن 6 بولیم گه ایگه مستقللیک یولی قبرس ناملی مستند فلم, قبرس تورک خلقی نینگ موجودیتی و مستقللیگی بیلن علاقه لی.

عینی دمده اوشبو حجتلی فلم قبرس تینچلیک عملیاتی نینگ 50 ییللیگی نینگ ایسله نیشی جهتی دن هم اهمیت گه ایگه. 

اوشبو حجتلی فلم نینگ تیارله نیشی جریانیده شمالی قبرس تورک جمهوریتی و تورکیه دن تشقری, انگلستان, یونان, فرانسه, اسپانیا و جنوبی قبرس روم قسمیده فلملر آلینیب راپورتاژ لر قیلیندی. 

قبرس تورک مقاومتی نینگ باشله گن ایرنکوی ده هم حاضرگی کون گه قدر توشینتیریلیب بیریلمه گن کوپلب موضوع لر گه اورین اجره تیلدی. 

تی آر تی ورلد تیمی بیرلشگن ملتلر تشکیلاتی باشقرویده گی آره منطقه ده هم مصاحبه قیلدی. 

اوشبو حجتلی فلم اوچون آره سیده سیاستچی لر, سابق باش وزیر لر, وزیر لر, دیپلمات لر, بیرلشگن ملتلر تشکیلاتی و اروپا اتفاقی مسئول لری, تاریخچی لر, مجاهد لر, غازی لر و کوپلب شاهد لر دن تشکیل تاپگن تقریباً 50 کیشی بیلن مصاحبه قیلیندی.