چِبورَک دیب ناملنگن تورک طعامی حقیده قیسقه معلومات

تورکیه نینگ ایسکی شهر ولایتی گه منسوب چبورک دیب ناملنگن طعام

تورکیه نینگ ایچکی اناطولی قسمیده جایلشگن ایسکی شهر ولایتی نینگ مشهور طعام لری دن بیری بولگن چبورک ایسکی شهر تجارت اتاق لری نینگ طلبی گه بناً میلادی 2010- ییلده تورکیه نینگ ثبت قیلینگن جغرافی محصولاتی لستی گه کیریتیلدی.  چبورک تیارلش اوچون فقط گینه اون, سوو و توزدن عبارت خمیر تیارله نه دی. 

خمیر بیر مدت دمی نی آلیشی آرتیدن کیچیک پارچه لر حالده اوقلاوه بیلن یاییله دی.  چبورک نینگ ایچی گه قوییله دیگن مواد ایسه قییمه, پیاز, توز, سوو و قاره مرچ نینگ قاوریلیشی بیلن تیارله نه دی.  خوددی شوو مواد دایره شکلده یاییلگن خمیر نینگ یریم قسمی گه قوییله دی.  قوییلگن مذکور مواد دایره شکلی نینگ قالگن یریمی بیلن یاپیله دی.  شونده ی قیلیب بحث موضوعی طعام یریم آی شکلی گه ایگه بولیب قاله دی.  اوشبو شکلده تیارلنگن مواد یاغده (25-30 ثانیه) قیزرتیریله دی. ایسسیق بیر شکلده تیارلنگن منه شوو طعام قاشق و سنقیچدن فایده له نیلمسدن قول بیلن ییله دی.