لندن ده گی عثمانی سرای موسیقی اکادمیسی آرکستری

لندن عثمانی سرای موسیقی اکادمیسی آرکستری, کلاسیک موسیقی بسته کاری, آرکستر باشقروچیسی و موسیقی استادی ایمره آره جی تامانیدن قوریلدی.  لیسانس و دوکتورا درجه لری نی ادنبورگ عالی بیلیم یورتی موسیقی فاکولته سیدن آلگن ایمره آره جی, صنعت, ایسکی معماری, ادبیات, تاریخ و دیپلماسی گه قیزیقیشی نی بیرلشتیریب اوزی گه خاص موسیقی فعالیتی نی دوام ایتتیرماقده. 

ایمره آره جی, میلادی 1997- ییلده تورک ایلچیسی نینگ ادنبورگ قونسلگرلیگی نی باریب کورگن لیگی سببلی تورک محتواسی گه ایگه بیر کنسرت پروگرامی تیارله دی.  اوشبو کنسرتده بیرینچی مرته 19- عصر عثمانی سرایی نینگ ایریم مارش و رقص موزیک لری چلیندی. اوشبو پروگرام ده سلطان 5- مراد, سلطان عبدالعزیز, دونیزیتتی پاشا, و گواتیلا پاشا نینگ ایریم اثر لری چلیندی.  تینگلاوچی لر گه کتته تاثیر قالدیرگن اوشبو کنسرت آلتی آی کیین لندن ده کینگیتیریلگن بیر شکلده ینه بیر بار تکرارلندی.  اوشبو کنسرت لر گه قیزیقیش نینگ جوده کتته بولگن لیگی باعث, عثمانی دوری ده گی غرب طرزی اثر لرنی اجرا قیله دیگن لندن عثمانی سرای موسیقی اکادمیسی آرکستری قوریلدی. اکادمی نینگ فعالیت لری آره سیده, اوروپا موسیقی ادبیاتی ده تورک لر بیلن علاقه لی باشقه اثر لرنینگ تاپیلیب چلینیشی هم اورین آلماقده.