تورکیه نینگ توریستیک مرکزی تاریخی تُرویا شهری

تُرویا, جهان ده گی اینگ مشهور تاریخی شهر لردن بیری...

داستان لرده اورین ایگلله گن و تاریخ نینگ "عشق, قهرمانلیک و مدنیت مرکزی" بولیب کیلگن تاریخی بیر شهردن عبارت ترویا... تورکیه نینگ چَنَق قلعه تنگه سی قیرغاغی دن 4 یریم کیلومتر مسافه ده اورین آلگن اوشبو تاریخی شهر نینگ اوتمیشی میلاد دن آلدین 3000 – ییلی گه قدر باریب تَقیلماقده. 

اوشبو تاریخی شهرده مینگلب ییل لیک بیر تاریخ نی کوریشینگیز ممکن. 

خوددی شوو تاریخی شهر نینگ قوریلگن جغرافیه نینگ جهان ده بیرینچی مراتبه گوزه للیک مسابقه لری نینگ بولیب اوتگن منطقه دن عبارت ایکن لیگی بیلدیریلماقده.  اوشبو مسابقه گه اشتراک قیلگن گوزه ل لر ایسه هیرا, افرودیت و اتینا دن عبارت بولگن.  سیلش حقی گه ایگه بولگن پاریس, اونگه سپارتا قرالی نینگ عیالی هیلینا نی وعده قیلگن افرودیت نی سیله گن.  پاریس نینگ هیلینا نی آلیب قاچیریشی بیلن اوروش باشله گن.  عاشق و معشوق نینگ ترویا گه قاچیب کیلیشی آرتیدن اکها لر بیلن ترویا خلقی اورته سیده باشله گن اوروش اون ییل دوام ایتگن. 

اوشبو اوروش نتیجه سیده هیچ بیر تامان نینگ غلبه قازانالمسلیگی آرتیدن اکها لر ترویا خلقی گه قرشی جوده قیزیق بیر ایش قیلگن.  ایندی اوروشمیدیگن دیک قیلیب, تینچ لیک سمبولی صفتیده ترویا گه یاغاچ آت یوبارگن.  خوددی شوو یاغاچ آت نینگ ایچی گه اینگ مهم قوماندان لر و عسکر لر یاشینیب آلگن لر.  اوروش دن چرچب قالگن ترویا خلقی, ایندی تینچ لیک بولدی دیب اوخلب قالگن پیتده, یاغاچ آت نینگ ایچیدن چیققن کیشی لر منطقه نی باسیب آلگن. شونده ی قیلیب ترویا خلقی قیرغین قیلینیب شهر ویران بولیب قالگن. 

ترویا طبیعی آفت لر و اوروش لر سببلی بیر نیچه مراتبه ویران بولیب قیته قوریلگن.  جغرافی موقعیتی نینگ جوده یخشی بولگن لیگی سببلی اوشبو تاریخی شهرده هردایم انسان لر یشب کیلگن.  14 – عصر نینگ سونگگیده ایسه اقتصادی و فرهنگی اهمیتی نی قولدن بیریب قویگن اوشبو تاریخی شهر.

ترویا نینگ اینگ مهم خصوصیت لریدن بیری ایسه 9 فرقلی شهر طبقه سی گه ایگه بولیشی دن عبارت.  خوددی شوو 9 طبقه تقریباً 3000 ییل اوز موجودیتی نی دوام ایتتیرگن.  شونده ی قیلیب اوشبو ییر گه باریشینگیز تقدیرده خوددی شوو تاریخ نی کوریشینگیز ممکن. 

اوشبو تاریخی شهر نینگ تاپیلیشی اوچون ایلک مراتبه حفریات فعالیت لری 1871 – ییلده باشله گن.  کیینگی ییل لرده دوام ایتگن حفریات فعالیت لری نتیجه سیده اوشبو شهر نینگ تیاتر, حمام لر و کانالیزاسیون سیستمی تاپیلگن.  اوشبو تاریخی شهر بیلن علاقه لی تحقیقات لر حاضرگی کونده هم دوام ایتماقده. 

بشریت تاریخی نینگ اینگ مهم اثر لریدن بیری بولگن اوشبو توریستیک مرکز 1998- ییلدن بیری یونسکو جهان میراثی لستیده اورین آلیب کیلماقده. 

ترویا نی کوریش اوچون تورکیه نینگ چنق ولایتی گه باریشینگیز تقدیرده, جهان تاریخی نینگ مهم اوروش لریدن بیری بولگن چنق قلعه اوروشی آرتیدن قوریلگن شهید لیک نی باریب کوریشینگیزنی و آسوس ده اتینا معبدی نی کوریب چیقیشینگیز نی توصیه ایتیب قاله میز.  عینی دمده قاز تاغی گه چیقیشینگیز و گوکچه ادا بیلن بوزجه ادا منطقه لریده گی فرهنگی و طبیعی بای لیک لر نی هم باریب کوریشینگیز ممکن.