ترکیه جمهوررئیسی اردوغان: عیاللرنینگ استثمار ایتیلمسلیگی کیره ک

ترکیه جمهوریتی جمهوررئیسی رجب طیب اردوغان, عیاللر نینگ عیال ایکن لیک لری سببلی استثمار ایتیلمسلیگی کیره ک ایکن لیگینی بیلدیردی.

جمهوررئیسی اردوغان, دنیا عیاللر کونی مناسبتی بیلن ترک تیمیر اتحادیه سی عیال ایشچیلر ۲۱ نچی قورولتاییده معروضه قیلدی.

اردوغان, "عیاللر لطف ایمس, بلکه عدالت کوتماقده. عیال لر بیر حد ایمس, بلکه عادلانه بیر رقابت شرایطی طلب ایتماقده. عیاللر استثمار ایمس, بلکه حرمت کوتماقده. هیچ کیمسه نینگ عیاللر نینگ اوشبو طلب لری نی رد ایتیشی ممکن ایمس. بیز حاضرگی کونگه قدر عیاللر نینگ اوز حق لری نی آلیش لری بوییچه اولر بیلن همکار بولیب کیلدیک. هر دایم عیال ایکن لیک لری سببلی عیاللر نینگ استثمار ایتیلیشی گه مخالفت ایتیب کیلدیک" دییه قید ایتدی.

شهید لر نینگ آنه لری و عیال لری نی هم ایسدن چیقرمه گن جمهوررئیسی اردوغان, اوز سوز لرینی "اینگ کوپ و صمیمی بیر شکلده یاد ایتیلیشی کیره ک بولگن کیشی لر شهید لری میز نینگ آنه لری, عیاللری و باله لریدن عبارت" شکلیده دوام ایتتیردی.

ترک ملتی آره سیده نفاق تخملری ایکیش گه هیچ کیمسه نینگ کوچی نینگ ییتمیدیگن لیگی نی بیلدیرگن جمهوررئیسی اردوغان, دولت نینگ ایچیده باشقه بیر دولت گه هیچ بیر شکلده اجازت بیرمیدیگن لیک لری نی ایسله تیب اوتدی.

جمهوررئیسی اردوغان, "بیز تورت نرسه اوچون موجود میز. اوشبو تورت نرسه بیر ملت, بیر بیرق, بیر وطن و بیر دولتدن عبارت. هیچ کیمسه نینگ اوشبو ملت نی بولیب تشلش گه کوچی ییتمیدی. بیراغی میز گه تینگ بیرق آسیش گه حرکت ایتیتگن تامانلر نینگ ترکیه ده اورین آلیشلری ممکن ایمس. وطنی میز نی بولیش گه حرکت ایتیتگن تامان لر گه بو ییرده جای یوق. دولت ایچیده باشقه بیر دولت نینگ موجودیتی گه هیچ بیر شکلده اجازت بیریلمیدی" دییه قید ایتدی.