قندهار ولایتیده گی خودکش هجوم عاقبتیده اولگنلر سانی 26 نفرگه ییتدی

افغانستان نینگ جنوبیده جایلشگن قندهار ولایتیده توناون کونی ایرته لب اویوشتیریلگن خودکش هجومی عاقبتیده اولگنلر سانی 26 کیشی گه ییتدی.

بی بی سی نینگ قندهار ولایتی نینگ اینگ بویوک کسلخانه سی نینگ داکترلریدن بیرینی منبع کورستیب بیرگن خبریگه کوره حیاتینی یوقاتگنلر سانی 26 نفرگه یره لنگنلر سانی ایسه 38 نفرگه ییتدی. 

توناون کونی ایرته لب کابل بانک نینگ قندهار شعبه سی یقینیده انتحاری هجوم اویوشتیریلگن لیگی بیلدیریلگندی. 

هجوم نینگ مسئولیتی نی ایسه هیچ بیر تامان اوز بوینی گه آلگن یوق.

افغانستان ییتکرمه لری خبر بیریشیچه، اوشبو خودکش هجومی دولت مامورلری معاش آلیش اوچون بانک نینگ ایشیگیده قطار تورگن پیتده اویوشتیریلگن.

افغانستان ده طالبان 2021 ییلی اگست آییده باشقروونی قولگه کیریتیب آلیشی بیلن خوفسیزلیک ساحه سیده آلغه باریش بولگن بولسه ده وقت وقتی بیلن انفجارلر یوزبیرماقده.

کوپلب هجوم شیعی هزاره لرگه قره ته آلیب باریلر ایکن بو هجوملرنینگ کوپینی ترور تشکیلاتی داعش بوینی گه آلگندی.