مولوی مهدی نینگ اولدیریلگن لیگی بیلدیریلدی

طالبان اوتیش دوری حکومتی نینگ مدافعه وزیرلیگی تامانیدن بیریلگن بیاناتده، مولوی مهدی نینگ ایرانگه اوتگونچه هراتده چیگره کوچلری تامانیدن نشان آلیب اولدیریلگن لیگی بیلدیریلدی.

مولوی مهدی گروهیدن ایسه موضوع بوییچه حلی گچه بیانات بیریلمه دی.

افغانستانده هزاره ییتکچی قومندانلردن بولمیش مولوی مهدی مجاهد طالبان باشقروویدن کیین بامیانده استخبارات باشلیغی ایتیب تعیین قیلینر ایکن طالبان نینگ هزاره تبار یگانه قومندانی بولگندی.

مولوی مهدی بیر مدت کیین فکر فرقلی لیگی باعث طالبان تامانیدن وظیفه دن چیتلنتیریلیشیدن کیین اوز مملکتی سرپل ولایتی بلخاب تومنی گه قیتیب بارگندی و بو جایده یوزلب جنگریسی بیلن طالبان باشقروویگه قرشی قوراللی کوره ش گه باشله گندی.

مولوی مهدی نینگ هزاره لرنینگ دولت مقاملریگه عادل اورین بیریلمه گن لیگی و بلخابده گی کان عایدلری بوییچه کیلیشماوسیزلیک یوز بیرگن لیگی طفیلی طالبان گه ناراضیچیلیک بیلدیرگن لیگی افاده ایتیلماقده.

طالبان باشقرووی ایسه بلخاب نی اویوشتیریلگن عملیاتلر آرقه لی جنگریلرنینگ قولیدن تمیزلب آلگن لیگینی بیلدیرگندی.