روسیه ده طالبان نی ترورچیلیک تشکیلاتلری رویخطیدن چیقریش اوستیده ایش آلیب باریلماقده
اوشبو لایحه نینگ روسیه تشقی ایشلر وزیرلیگی بیلن دالت وزیرلیگی تامانیدن آلیب باریلگن لیگی بیلدیریلدی
روسیه تشقی ایشلر وزیرلیگی طالبان نی ترورچیلیک تشکیلاتلری رویخطیدن چیقریش اوستیده ایش آلیب بارماقده. گزیته رو تامانیدن نشر قیلینگن خبرگه کوره روسیه تشقی ایشلر وزیرلیگی اوشبو موضوعنی عدالت وزیرلیگی بیلن بیرگه لیکده آلیب باریلگن لیگینی بیراق سونگگی قرارنینگ حکومت تامانیدن بیریله جگینی بیلدیردی.
باشقه تاماندن روسیه دولت باشلیغی ولادیمیر پوتین نینگ افغانستان بوییچه خاص وکیلی ضمیر کابلوف طالبان وکیللری نینگ روسیه ده بولیب اوته دیگن 15- روسیه – اسلام عالمی: قزان ییغینی گه دعوت ایتیلگن لیگینی و قتنشیش نیتیده ایکن لیکلرینی افاده ایتدی.
مسکو بیلن اسلام عالمی اولکه لری اورته سیده اقتصادی همکارلیک نی رواجلنتیریش پلاتفورمی ایتیب اتلگن قزان ییغینی 14-19 می تاریخلریده روسیه فدراسیونی گه باغلیق تاتارستان جمهوریتی نینگ پایتختی قزان ده بولیب اوته دی.
کابلوف کینگ معلومات بیرمه دی بیراق روسیه نینگ افغانستان نینگ طالبان حکومتی بیلن خلق ارا ترورچیلیک که قرشی کوره ش توغریسیده بیر همکارلیک ایچیده ایکن لیگینی ایتدی.
