افغانستان ده سوو تاشقین لری عاقبتیده کوپلب کیشی حیاتی نی یوقاتدی

افغانستان نینگ 10 ولایتیده شنبه و یکشنبه کونی سوو تاشقین لری عاقبتیده اولگن کیشی لر سانی 23 نفر گه ییتدی. 

طالبان اوتکینچی حکومتی نینگ آفت نی باشقریش دولت وزیرلیگی سوزچیسی مولوی محمد نسیم حقانی, اینگ کوپ شرقی ولایت لر گه تاثیر قالدیرگن سوو تاشقین لری سببلی اولگن کیشی لر سانی نینگ آرتگن لیگی نی معلوم قیلدی. 

میدان وردک, پکتیکا, ننگرهار, نورستان, پروان, پنجشیر و پکتیا داخل 10 ولایتده سوو تاشقین لری سببلی کمیده 23 کیشی نینگ اولگن لیگی, 20 دن آرتیق کیشی نینگ ایسه یره لنگن لیگی بیلدیریلدی. 

سوو تاشقین لریده 2 مینگ 500 دن آرتیق اوی نینگ تخریب بولگن لیگی, تقریباً 2 مینگ حیوان نینگ تلف بولگن لیگی معلوم قیلیندی. 

طالبان اوتکینچی حکومتی نینگ آفت نی باشقریش دولت وزیرلیگی تامانیدن بیریلگن معلومات گه کوره, سونگّی 1 آیده 20 ولایتده سوو تاشقین لری عاقبتیده 90 دن آرتیق کیشی حیاتی نی یوقاترایکن, 20 نفر یره لنگن.