افغانستانده طالبان باشقرووی نینگ انسان حقلرینی اخلال ایتگن لیگی بیلدیریلدی

بیرلشگن ملتلر تشکیلاتی افغانستان یاردم کمیشنرلیگی (یوناما) تامانیدن ترقه تیلگن "افغانستانده انسان حقلری" باشلیقلی راپورده طالبان نینگ اقتدارنی قولگه کیریتگندن کیینگی 10 آیلیک مدت ایچیده اولکه ده گی انسان حقلری نینگ وضعیتی بیلن تیگیشلی تثبیتلر یایینلندی.  

میلادی 2021 ییلی 15 آگست و 2022 ییلی 15 جون تاریخلری آره سیده گی مدت نی اوز ایچی گه آلگن خوددی شو راپورده، افغانستان نینگ حاضرگی باشقرووی نینگ "سودسیز قتل قیلیش، قیناقلر، اوز باشیمچه لیک بیلن قماققه تشلش و شفقتسیز مناسبتده بولیش" حادثه لریگه قول اورگن لیگی افاده ایتیلدی.

شونده ی بولیب افغانستانده سوز ایرکین لیگی و خاتین – قیزلر حقی موضوعیده جدی شکلده کیینگه قالیش بارلیگی بیلدیریلدی.

راپورگه کوره اوشبو مدت ایچیده داعش نینگ افغانستان ترماغی بولمیش داعش خراسان قول اورگن لیگی ادعا ایتیلگن هجوملرده 700 کیشی حیاتینی یوقاتگن 1 مینگ 406 کیشی یره لنگن.

مذکور راپورده طالبان باشقرووی نینگ آلدینگی حکومت ملازملری و خوفسیزلیک منسوبلریگه قره ته سودسیز قتل بیلن 160 نفرنی قتل ایتگن لیگی، 178 کیشینی نظارتخانه و قماققه آتگن لیگی، 23 کیشینی اتاق قماغی گه محکوم ایتگن لیگی، 56 کیشی گه قیناق و یمان مناسبت کورستگن لیگی قید ایتیلدی.

انسان حقلری اخلاللریدن 173 ته ژورنالیست سلبی تاثیرلنر ایکن 5 ته سی داعش خراسان و بیرته سی نامعلوم کیشی تامانیدن بولیب توپلم 6 ته ژورنالیست نینگ اولدیریلگن لیگی معلوم قیلیندی.

طالبان سوزچیسی ذبیح الله مجاهد ایسه شخصی تیوتر آدرسی آرقه لی نشر قیلگن پوستده خوددی شو راپورنینگ توغریلرنی عکس ایتتیرمه گن لیگینی ادعا ایتدی.

مجاهد "اولکه ده اوز باشیمچه لیک بیلن اولدیریش ویا قماققه تشلش یوق دیر. اگر هرکیم اوز باشیمچه لیک بیلن اولدیرسه ویا قماققه تشله سه او مجرم سنله دی و شریعت قانونلری عملی قیلینه دی. یونامانینگ بو توغریده گی راپوری توغری ایمس و تبلیغدن باشقه نرسه ایمس دیر" دیب ایتدی.