افغانستانده اون میلیونلب باله آچلیک بحرانی بیلن دوچ قالگن وضعیتده

افغانستانده 10 میلیون اطرافیده باله نینگ آچلیک که دوچ قالگن لیگی بیلدیریلدی.

خلق ارا همجمعیت گروهی  (Save The Children) نینگ انترنیت سایتیده اورین آلگن معلوماتگه کوره خلق ارا یاردملر اوزاق ییللر توقنه شوولر، پارتلشلر و سیاسی بحرانلر یوز بیرگن افغانستانده آچلیک که توسیق بوله آلمه یدی. چلیک که توسیق بولیش اوچون آ

اولکه ده یوز بیریب تورگن اقتصادی وضعیت قاله ویرسه 24 فبروریدن بیری دوام ایتیب تورگن روسیه – اوکراین اوروشی نینگ سلبی تاثیرلری و قتّیق قورغاقلیک باعث 10 میلیون اطرافیده باله نینگ آچلیک که دوچ قالگن وضعیتده.

افغانستانده بولگن خلق ارا یاردملر سونگگی پیتلرده کوپه یگن حالده حلی هم اولکه نفوسی نینگ 50 فایزی عاجل انسانی یاردم مهتاج.

طالبان نینگ اولکه باشقرووینی قولگه کیریتیب آلیشیدن کیین منطقه ده گی رواجلنیش یاردملری نینگ توخته تیب قوییلیشی و افغانستان دارائیسی نینگ موزله تیلیشی آرتیدن اقتصادی بحران اوج آلدی.

تاباره کوپه ییب بارگن ایشسیزلیک و قشاقلیک بوگونگی کونده افغانستان نینگ تاریخی نینگ اینگ بویوک آچلیک بحرانی بیلن دوچ قالیشی گه سبب بولدی.

آذیق – اوقات نرخلری نینگ یوقاری کیتیشی خلق نینگ حیاتی ضرورتلرینی برطرف ایتیشینی قیینلشتیردی.

مذکور تشکیلات نینگ علاقه و میدیا مسؤلی اتینا رایبورن خلق ارا همجمعیت نینگ افغانستان گه قره ته آلیب بارگن سیاستی نینگ جزاسی نینگ افغانستانلیک باله لرنینگ ترتگن لیگینی شونده ی بولیب یاردملرنینگ "حیاتلرینی قوتقریشلریگه" ییتمه گن لیگینی ایتدی.

رایبورن "شو وقت افغانستان باله لریگه آرقه نی اوگیریش وقتی ایمس ایکن لیگینی" دعلوم قیلیب خلق همجمعیت گه اقتصادی بحرانگه دایمی ییچیم تاپیشی بوییچه چقیریق قیلدی.