مزار شریفده گی انفجار نینگ مسئولیتی نی داعش اوز ذمه سیگه آلدی

مزار شریف شهریده شیعه لر گه عاید بیر مسجدده یوز بیرگن پارتلش نینگ مسئولیتی نی ترور تشکیلاتی داعش اوز ذمه سیگه آلدی. 

داعش, اجتماعی ترماق آرقه لی بیرگن بیاناتیده, هجوم نینگ مسئولیتی نی اوز بوینی گه آلگن لیگی نی بیلدیردی. 

باشقه بیر تاماندن ایسه شاهد لر, هجوم عاقبتیده 31 کیشی نینگ جان بیرگن لیگی و 80 دن آرتیق کیشی نینگ یره لنگن لیگی نی معلوم قیلدی. 

مسجد ده پیشین نمازی اوقیلیاتگن پیتده پارتلش یوز بیرگن ایدی. 

مزار شریفده گی شفاخانه مسئولی داکتر غوث الدین انوری, شیعه لر گه عاید سه دکان مسجدی ده یوز بیرگن پارتلش حادثه سی آرتیدن جسد لر و یره لنگن کیشی لرنینگ امبولانس لر و شخصی موتر لر بیلن کسلخانه گه کیتیریلگن لیگی نی بیلدیرگن ایدی.  

کمیده 10 کیشی نینگ حیاتی نی یوقاتگن لیگی نی بیلدیرگن انوری, 40 نفر زخمی نینگ ایسه تداوی سی نینگ دوام ایتیاتگن لیگی نی معلوم قیلگن ایدی. 

شاهد لر, اوشبو حادثه نینگ انتحاری هجوم دن عبارت ایکن لیگی نی بیلدیرگن ایدی.