تورکیه کابلده اویوشتیریلگن هجوم نی قاره له دی

تورکیه, کابلده تعلیمی موسسه لر گه اویوشتیریلگن ترورچیلیک هجومی نی قاره له دی. 

اوشبو توغریده تورکیه جمهوریتی تشقی ایش لر وزیرلیگی تامانیدن بیانات بیریلدی. 

بیاناتده, "افسوس که افغانستان پایتختی کابلده تعلیمی موسسه لرنی هدف قیلیب آلگن انفجار لرده, آره سیده اوقووچی لرنینگ هم موجود بولگن کوپلب کیشی نینگ حیاتی نی یوقاتگن لیگی و یره لنگن لیگی ایشیتیلدی.  انسانلیککه سیغمه یدیگن بو ترورچیلیک هجومی نی قتتیق قاره له یمیز" دییه قید ایتیلدی. 

بیاناتده, هجوم عاقبتیده حیاتی نی یوقاتگن کیشی لر نینگ عایله لری بیلن دوست و قرداش افغانستان خلقی گه قیغوداش لیک بیلدیریلرایکن, یره لنگن کیشی لر گه ایسه عاجل شفا تیلندی. 

توناون کابل نینگ غربی ده گی عبدالرحیم شهید لیسه سی و ممتاز کورسی ده کیتمه کیت پارتلش حادثه لری نینگ یوز بیریشی عاقبتیده 6 کیشی نینگ حیاتی نی یوقاتگن لیگی و 11 نفر نینگ ایسه یره لنگن لیگی بیلدیریلگن ایدی.