طالبان هیئتی نارویده بیر قطار اوچره شوو اوتکزماقده
موضوع بوییچه طالبان اوتیش دوری حکومت سوزچیسی ذبیح الله مجاهد تویتر آرقه لی معلومات بیردی
افغانستان نینگ باشقروویده بولگن طالبان هیئتی نینگ ناروی نینگ پایتختی اوسلوده انچه مقام بیلن اوچره شوولر اوتکزگن لیگی بیلدیریلدی.
طالبان اوتیش دوری حکومت سوزچیسی ذبیح الله مجاهد تویتر آرقه لی بیرگن بیاناتده طالبان هیئتی نینگ ناروی مقاملری بیلن جلسه اوتکزگن لیگینی ایتدی.
بیاناتده مذکور جلسه ده تامانلرنینگ بیر بیری نینگ فکرلرینی صبر بیلن ایشیتگن لیگی و اولکه نینگ موجود وضعیتی حقیده فکر المه شووی عملگه آشیریلگن لیگی قید ایتیلدی.
قتنشووچیلرنینگ افغانستان نینگ برچه خلقی نینگ مشترک اویی ایکن لیگینی تایید ایکن لیگی و افغانستانلیکلرنینگ اولکه ده بوندن یخشیراق سیاسی، اقتصادی و خوفسیزلیک اوچون بیرگه لیکده فعالیت قیلیشی کیره ک لیگی نینگ تاکییدلنگن لیگی اورغولندی.
افغانستان نینگ برچه معماسی گه یگانه ییچیم نینگ بیر بیرنی توشونیش و همکارلیک ایکن لیگینی برچه قتنشووچیلر تامانیدن قبول قیلینگن لیگی معلوم قیلیندی.
طالبان هیئتی نینگ ناروی حکومتی، بعضی بیر متفق اولکه نماینده لری قاله ویرسه نادولت تشکیلاتلر نماینده لری بیلن اوچره شیشیدن خبر بیریلگندی.
ناروی تشقی ایشلر وزیری آنیکن هویتفلد 21 جنوریده بیرگن بیاناتده افغانستانده گی بشری بحران بیلن تیگیشلی قیغولرینی تیلگه آلگن حالده سونگگی پیتلرده یوز بیرگنلرنی «میلیونلب انسانگه سلبی تاثیر قالدیرگن تام اولچکلی بشری فلاکت» دیب اته گندی.
آنیکن هویتفلد اوشبو اوچره شوولرنینگ طالبان نی مشروعلشتیریلیشی ویا رسمی روشده تن آلینیشی ایمس ایکن لیگینی شونده ی بولیب اولکه نینگ حاضرگی دورده گی باشقرووچیلری بیلن اوچره شیش گه مجبور ایکن لیکلرینی تیلگه آلگندی.
