سونگگی تورت آیده 800 مینگ کیشی افغانستاندن ایران گه اوتگن

ایران, سونگگی تورت آیده اوشبو اولکه گه افغانستان دن 800 مینگ مهاجر نینگ کیلگن لیگی نی معلوم قیلدی.

ایران تشقی ایش لر وزیرلیگی تامانیدن بیریلگن یازمه بیاناتده, اوشبو اولکه نینگ تشقی ایش لر وزیری حسین امیر عبداللهیان نینگ تلفن آرقه لی ناروی لیک کسبداشی آنیکن هویتفیلد بیلن سوزله گن لیگی بیلدیریلدی. 

بیاناتده, اوشبو صحبت ده افغانستان و یمن ده گی بشری بحران و هسته ای مذاکره لر باره سیده بحث ایتیلگن لیگی معلوم قیلیندی. 

عبداللهیان, "هر کون 5 مینگ نفر افغانستان لیک چیگره گه کیلماقده.  سونگگی 4 آیده افغانستاندن ایران گه 800 مینگ مهاجر کیلدی.  اوی لری نی ترک ایتگن اوشبو کیشی لر گه افغانستان نینگ ایچیده یاردم ییتکزیب بیریش گه حرکت قیلماقده میز" دییه قید ایتدی. 

عبداللهیان, ناروی نینگ یوباره دیگن بشری یاردم لر نی ییر و هوا یولی آرقه لی محتاج کیشی لر گه ییتکزیب بیره دیگن لیک لری نی بیلدیردی. 

ناروی تشقی ایش لر وزیری هویتفیلد هم جنوری آییده اوسلوده افغانستان و یمن ده گی بشری بحران حقیده ییغیلیش بولیب اوته دیگن لیگی نی بیلدیررایکن, اوشبو ییغیلیش گه عبداللهیان نی هم چقیردی.