پایتخت کابلده طالبان کوچلری تامانیدن داعش گه قره ته عملیات اویوشتیریلدی

افغانستان نینگ پایتختی کابلده طالبان کوچلری بیلن ترور تشکیلاتی داعش منسوبلری اورته سیده توقنه شوو یوز بیردی.

طالبان سوزچیسی و طالبان نینگ مدنیت وزیرلیگی اورینباسری وکیلی ذبیح الله مجاهد کابل نینگ 17 سمتیده ترور تشکیلاتی گه قره ته عملیات اویوشتیریلگن لیگینی ایتدی.

عملیات عاقبتیده ترور تشکیلاتی داعش گه باغلیق پناهگاه نینگ یوق قیلینگن لیگینی افاده ایتگن مجاهد، پناهگاه ده گی داعش منسوبلری نینگ هم اولگن لیگینی معلوم قیلدی.

شاهدلر ایسه کابل نینگ خیرخانه منطقه سیده توناون کونی کیچه لب داعش منسوبلری بیلن طالبان کوچلری اورته سیده یوز بیرگن توقنه شوو جریانیده پارتلش سیسلری نینگ کیلگن لیگینی ادعا ایتدی.