طالبان قنده ی قیلیب افغانستان گه حاکم بولدی؟

افغانستان نینگ بویوک بیر بولیمی نی قولگه کیریتگن طالبان میلادی 1994- ییلده قوریلدی.

میلادی 1995- ییلده افغانستان پایتختی کابل نی قولگه کیریتدی.

قوریلیشی دن 4 ییل کیین, افغانستان نیگ تقریباً همه سی گه حاکم بولدی.

امریکا قوشمه ایالتلری ده گی 11- سپتامبر هجوم لری آرتیدن طالبان جهتی دن ینگی بیر دور باشله گن بولدی.

طالبان, اولکه ده گی حاکمیتی نی قولدن بیریب قویدی.

میلادی 2001- ییل 7- اکتوبر کونی امریکا قوشمه ایالتلری نینگ افغانستانده باشلتگن عملیاتی نتیجه سیده قیسقه بیر مدت مابینیده طالبان کابل نی ترک ایتدی.

ییگیرمه ییل کیین گه قدر تاغلیک منطقه لرگه باریب جایلشدی.

افغانستانده اوزاق ییل لر دوام ایتگن عملیات لر بوییچه ینگی دور 2020- ییل 29- فبروری ده باشله دی.

واشنگتن, طالبان بیلن مذاکره قیلدی.

امریکالیک حربی لرنینگ 11- سپتامبر گه قدر افغانستاندن چیقیشی گه قرار قیلیندی.

امریکا نینگ بو اقدامی آرتیدن هجوم لری نی آرتیرگن طالبان, میلادی 2021- ییل نینگ می آییدن باشلب اولکه ده آلغه سیلجیشی نی تیزلشتیردی.

خوب, طالبان 3 آیده قنده ی قیلیب افغانستان نینگ 80 فایزدن آرتیق بولیمی نی قولگه کیریتدی؟

افغانستان گه شمال و غرب دن آلغه کیتگن طالبان, باشقه بیر تاماندن ایسه افغان حکومتی نینگ مالی منبع لری نی قوریتیش گه حرکت قیلدی.

چیگره و گمرک عایدات لری نی توخته تیب بونده ی بیر ایش نی قیلدی.

باشقه بیر تاماندن ایسه یول چیککه لری گه بمب جایلشتیریب, پوسته لر گه حمله قیلیب و سو قصد لر بیلن هجوم لری نی دوام ایتتیردی.

طالبان رهبر لری, پروسه نی اجتماعی ترماق آرقه لی هم ایشیتتیردی.

قولگه کیریتیلگن دستلبکی ولسواللیک لر افغان کوچ لری نینگ اقلیت بولگن آز منبع گه ایگه جای لر دن عبارت ایدی.

بعضی جای لرده طالبان, شهر لرنینگ تیگره گی گه جایله شیب آلدی.

حرکت قیلیش اورنیگه, کوتیب توریش نی ترجیح ایتدی.

اوشبو پروسه ده قبیله لرنینگ حمایه سی گه اهمیت بیریلدی.

شونده ی قیلیب طالبان بعضی جای لر نی هیچ اوروشمسدن قولگه کیریتدی.

افغان قطعه لری نینگ عسکر تامینی و کوردیناسیونی ده گی کمچیلیک لری هم

طالبان نینگ آلغه کیتیشی نی آسانلشتیردی.

طالبان افغانستان ده جوده تیز آلغه کیتدی.

حتی بیر کونده 10 دن آرتیق تومن و 4 کونده 6 شهر مرکزی نی قولگه کیریتدی.

بدخشان, بغلان, فراه, قندوز, غزنی, مزار شریف, هرات و قندهار کبی مهم مرکز لر نی هم قولگه کیریتدی.

34 ولایت دن 28 ولایت نی قولگه کیریتگن طالبان ییگرمه ییل کیین ینه کابل گه کیردی.