افغانستان ده اویوشتیریلگن هجوم عاقبتیده کوپلب کیشی حیاتینی یوقاتدی

افغانستان ده شیعی هزاره لرگه قره ته اویوشتیریلگن هجوم عاقبتیده 14 کیشی حیاتینی یوقاتدی.

طلوع نیوزنینگ خبریگه کوره‌، دا‌یکندی و غور ولایتلری چېگره‌سیده جایلشگن کاریودا‌ل حدودیده نامعلوم قوراللی شخصلر شیعه‌ هزاره‌لرگه هجوم اویوشتیردی.

هجومده کمیده 14 کیشی هلاک بولدی، 4 کیشی یره‌لندی.

هجومگه اوچره‌گنلر دا‌یکندی ولایتی نینگ سنگ تخت تومنیدن بولیب، کربلا زیارتیدن قَیتگن یقینلرینی کوتیب آلیش اوچون کاریودال حدودیگه بارگنلیکلری ایتیلماقده.

قوراللی شخصلر رسمگه آلیش بهانه‌سی بیلن تومن نینگ اهالیسینی تشياتگن اتوبوسنی توخته‌تیب، اولرگه اوق اوزیش گه باشله گن لیگی بیلدیریلدی.

هجوم نینگ مسؤلیتینی ترور تشکیلاتی داعش اوز ذمّه‌سیگه آلدی.

افغانستان حکومتیدن حلی گچه بیانات بېریلمه‌دی.

افغانستانده داعش و باشقه‌ قوراللی گروهلر تېز-تېز شیعه‌لرنی قوراللی یاکه بومبه‌لی هجوملر بیلن نشانگه آلیشه‌دی.