ملا عبدالغنی برادر: بو طریقه تیز موفق بولیشی میز نی کوتمس ایدیک

طالبان نینگ قطرده گی سیاسی دفتری نینگ باشلیغی ملا عبدالغنی برادر, افغانستانده بو طریقه قیسقه مدتده هدف لری گه نایل بولیش نی کوتمه گن لیک لری نی معلوم قیلدی. 

ملا عبدالغنی برادر, طالبان نینگ پایتخت کابل داخل افغانستان نینگ تقریباً همه جایی نی قولگه کیریتگن لیگی بیلن علاقه لی بیرگن بیاناتیده, "بو طریقه تیز بیر شکلده بونده ی بیر موفقیت قولگه کیریته دیگن لیگی میز نی کوتمه گن لیگی میزنی بیلدیریشیم کیره ک" دییه قید ایتدی. 

برادر, اوز سوز لری نی, "مغرور بولمس لیگی میز کیره ک.  آلدین هیچ قچان ایگلله مه گن آغیر بیر مسئولیت گه ایگه بوله میز.  ایندی سیناو وقتی.  انسان لرنینگ حیاتی و کیله جگی نی قوریب قالیشی میز گه کوندیریشی میز کیره ک" شکلیده دوام ایتتیردی.

طالبان نینگ قطرده گی سیاسی دفتری نینگ سوزچیسی محمد نعیم هم کابلده گی ایلچیلیک لر, دیپلمات لر و چیت ایل لیک لر اوچون هیچ قنده ی بیر خطر نینگ موجود ایمس لیگی نی بیلدیردی. 

نعیم, افغانستانده خوفسیزلیک نی تامین ایته دیگن لیک لری نی معلوم قیلدی. 

امریکا قوشمه ایالت لری بیلن طالبان اورته سیده میلادی 2020- ییل فبروری آییده بولگن کیلیشوو دایره سیده, خلق ارا کوچ لرنینگ افغانستان دن چیقیش پروسه سی باشله گن ایدی. 

کیلیشوو دایره سیده چیت ایللیک کوچ لر گه هجوم اویوشتیریلمس لیگی کیره ک ایکن, افغان حکومتی بیلن قطرده گی مذاکره لرنینگ دوام ایتیشی گه قره مسدن, طالبان جون آییدن باشلب هجوم لری نی آرتیریب کوپلب ولایت مرکز لری نی زودلیک بیلن قولگه کیریتدی.