هرات ولایتیده پارتلش یوز بیردی

هرات ولایتی ده بیر امنیتی پوسته گه منفجره مواد یوکلنگن موتر دن فایده له نیب هجوم اویوشتیریلدی.  اوشبو حادثه عاقبتیده 8 کیشی حیاتی یوقاتدی و 53 نفر ایسه یره لندی. 

هرات والیسی سید وحید قتالی, هجومچی نینگ منفجره مواد یوکلنگن موتر نی هرات نینگ گنج منطقه سیده گی پولیس پوسته سی نی هدف قیلیب آلیب پارتلتگن لیگی نی معلوم قیلدی. 

قتالی, اوشبو حادثه عاقبتیده 8 کیشی نینگ جان بیرگن لیگی 53 نفر نینگ ایسه یره لنگن لیگی نی بیلدیردی. 

هرات والیسی, جان بیرگن و یره لنگن اوشبو کیشی لر آره سیده عادی اهالی نینگ هم موجود ایکن لیگی نی ایسله تیب اوتدی. 

انفجار نینگ تاثیری بیلن منطقه ده گی کوپلب اوی هم خساره مند بولدی. 

حاضرچه اوشبو حادثه نینگ مسئولیتی نی هیچ بیر گروه اوز بوینی گه آلگن ایمس.  بیراق افغانستان ایچکی ایش لر وزیرلیگی نینگ سوزچیسی طارق آرین, حادثه بوییچه طالبان نینگ مسئول ایکن لیگی نی معلوم قیلدی.