تخار ولایتیده طالبان گروهی نینگ قوراللی هجومی عاقبتیده کوپلب کیشی اولدی

تخار ولایتی نینگ خواجه بهاوالدین تومنی ده گی اربکی لر نینگ پوسته سی گه قره ته طالبان گروهی نینگ قوراللی هجوم اویوشتیریشی عاقبتیده 13 نفر اربکی بیلن بیر حربی حیاتی نی یوقاتدی. 

اوشبو ولایت نینگ امنیه قوماندانلیگی سوزچیسی خلیل اسیر, طالبان گروهی نینگ خواجه بهاوالدین تومنی لاله گذر قیشلاغی ده گی اربکی لر نینگ پوسته سی گه قره ته قوراللی هجوم اویوشتیرگن لیگی نی بیلدیردی.

هجوم عاقبتیده 13 نفر اربکی بیلن بیر حربی نینگ حیاتی نی یوقاتگن لیگی نی بیلدیرگن سوزچی, تورت نفر خوفسیزلیک پرسونلی نینگ ایسه یره لنگن لیگی نی معلوم قیلدی.

سوزچی, هجوم آرتیدن باشله گن توقنه شوو ده طالبان جنگری لری نینگ هم تلفات بیرگن لیگی نی بیلدیردی. 

طالبان گروهی ایسه حاضرچه اوشبو حادثه بیلن علاقه لی بیانات بیرگن ایمس.