کابل ده پارتلش عاقبتیده معارف وزیرلیگی نینگ علمی کینگش باشلیغی حیاتینی یوقاتدی
بوگون (چهارشنبه) افغانستان پایتختی کابل ده ایککی پارتلش یوز بیردی
افغانستان پایتختی کابل ده یوز بیرگن ایککی پارتلش حادثه سی عاقبتیده معارف وزیرلیگی نینگ علمی کینگش باشلیغی داخل 2 کیشی جان بیردی و 1 نفر ایسه یره لندی.
امنیتی مسئول لر بیرینچی پارتلش نینگ ارزان قیمت منطقه سیده یوز بیرگن لیگی و اوشبو حادثه عاقبتیده بیر پولیس نینگ حیاتی نی یوقاتگن لیگی نی معلوم قیلدی.
مسئول لر, ایککینچی پارتلش نینگ کمپنی منطقه سیده یوز بیرگن لیگی نی معلوم قیلرایکن, اوشبو حمله بوییچه اساسی هدف نینگ معارف وزیرلیگی پرسونلی نی تاشووچی موتر دن عبارت ایکن لیگی نی بیلدیردی.
معارف وزیرلیگی, خوددی شوو پارتلش عاقبتیده وزیرلیک نینگ علمی کینگش باشلیغی عبدالباقی امین نینگ حیاتی نی یوقاتگن لیگی نی ایسله تیب اوتدی.
معارف وزیرلیگی اوشبو حادثه نینگ تیکشیریلیشی اوچون ساحه گه بیر تیم یوبارگن.
کابل پولیسی, ایککینچی حادثه نینگ امین نینگ موتری گه جایلشتیریلگن بمب نینگ پارتلشی نتیجه سیده یوز بیرگن لیگی نی معلوم قیلدی.
