افغانستان دولتی 900 نفر طالبان محبوسی نی قوییب یوباردی

امریکا قوشمه ایالت لری بیلن طالبان اورته سیده گی کیلیشوو دایره سیده, افغانستان قماقخانه لریدن ینه 900 نفر طالبان محبوسی قوییب یوباریلدی. 

ملی خوفسیزلیک کینگشی نینگ سوزچیسی جاوید فیصل, امریکا قوشمه ایالتلری بیلن طالبان اورته سیده گی کیلیشوو دایره سیده ینه 900 نفر طالبان محبوسی نینگ قوییب یوباریلگن لیگی نی بیلدیردی. 

سوزچی, شونده ی قیلیب حاضرگی کون گه 2000 نفر طالبان محبوسی نینگ قوییب یوباریلگن لیگی نی معلوم قیلدی. 

فیصل, قوییب یوباریلگن اوشبو کیشی لرنینگ ینه بیر بار اوروشمیدیگن لیک لری خصوصیده وعده بیرگن لیک لری نی بیلدیردی. 

افغانستان قماقخانه لریدن طالبان محبوس لری نینگ آزاد ایتیلیشی بیلن علاقه لی پروسه نینگ دوام ایته دیگن لیگی نی بیلدیرگن فیصل, طالبان نینگ هم قول لری ده گی کیشی لر نی قوییب بوباریشی نی کوتیاتگن لیک لری نی معلوم قیلدی. 

عینی دمده طالبان نینگ قطر ده گی دفتری نینگ سوزچیسی سهیل شاهین, طالبان نینگ قولی ده گی کیشی لرنینگ مهم بیر قسمی نی قوییب یوباره دیگن لیگی نی بیلدیردی. 

29 فبروری ده, افغانستان ده تینچ لیک نینگ اورنه تیلیشی گه تیگیشلی امریکا قوشمه ایالت لری بیلن طالبان اورته سیده قطر پایتختی دوحه ده بیر کیلیشوو امضالنگن ایدی.