طالبان گروهی نینگ هجومی عاقبتیده کوپلب کیشی اولیب یره لندی

افغانستانده بیر عسکری قرارگاهگه طالبان جنگریلری تامانیدن منفجره مواد اورنه تیلگن موتر آرقه لی اویوشتیریلگن هجوم عاقبتیده 3 نفر خوفسیزلیک منسوبی حیاتینی یوقاتدی.

هلمند والی لیگی سوزچیسی عمر زواک، طالبان جنگریلری نینگ هلمند ولایتی نینگ گریشک تومنیده جایلشگن بیر عسکری قرارگاه گه منفجره مواد اورنه تیلگن موتر آرقه لی هجوم اویوشتیرگن لیگینی ایتدی.

بو هجوم عاقبتیده 3 نفر خوفسیزلیک منسوبی نینگ حیاتینی یوقاتگن لیگینی افاده ایتگن زواک، 6 نفر خوفسزلیک منسوبی نینگ ایسه یره لنگن لیگینی بیلدیردی.

طالبان گروهی ایسه بو هجوم نینگ مسؤلیتینی بوینی گه آلیب 10 دن آرتیق عسکرنینگ اولگن لیگینی ادعا ایتدی.