افغانستان ده یوزلب عادی اهالی اولدیریلگن

افغانستان ده 2020- ییلی نینگ دستلبکی اوچ آیی ده 533 نفر عادی اهالی اولدیریلدی. 

بیرلشگن ملت لر تشکیلاتی افغانستان گه یاردم هیئتی (یوناما) تامانیدن بیریلگن بیاناتده, اولدیریلگن اوشبو کیشی لرنینگ 150 نفری نینگ باله لردن عبارت ایکن لیگی بیلدیریلدی. 

عینی دمده اوشبو مدت مابینیده 760 نفر عادی اهالی نینگ ایسه یره لنگن لیگی معلوم قیلیندی.

بیاناتده, اولیم لرنینگ 39 فایزی بوییچه طالبان نینگ و 32 فایزی توغریسیده ایسه چیت ایللیک کوچ لر بیلن افغانستان خوفسیزلیک کوچ لری نینگ مسئول ایکن لیگی بیلدیریلدی. 

خوددی شوو اولیم لر نینگ 13 فایزی دن ترور تشکیلاتی داعش و قالگن 16 فایزی دن ایسه مخالف قوراللی گروه لر نینگ مسئول ایکن لیگی معلوم قیلیندی. 

زورانلیک لر دن اینگ کوپ عیال لر و باله لرنینگ تاثیرلنگن لیگی بیلدیریلگن بیاناتده, 2020- ییلی نینگ دستلبکی اوچ آیی ده گی زورانلیک حادثه لری عاقبتیده 60 عیال نینگ حیاتی نی یوقاتگن لیگی معلوم قیلیندی.

طالبان گروهی ایسه, یوناما نینگ عادی اهالی نینگ اولیمی بیلن علاقه لی راپوری نی رد ایتگن لیگی نی بیلدیردی.