افغانستان ده کووید 19 گه چلینگن کیشی لرنینگ سانی 933 نفر گه ییتدی

افغانستان ساغلیق نی سقلش وزیرلیگی سونگگی 24 ساعت ده ینه 27 کیشی نینگ ینگی تور کرونا ویروس (کووید 19) تستی نینگ مثبت چیققن لیگی نی معلوم قیلدی.

وزیرلیک شونده ی قیلیب افغانستان ده اوشبو کسللیککه چلینگن کیشی لر نینگ سانی نینگ 933 نفر گه ییتگن لیگی نی بیلدیردی. 

عینی دمده اوشبو وزیرلیک سونگگی 24 ساعت ده ینه 13 کسل نینگ ساغیگن لیگی و شونده ی قیلیب توزه لگن کیشی لرنینگ سانی نینگ ایسه 112 نفر گه ییتگن لیگی نی معلوم قیلدی. 

بوندن تشقری ساغلیق نی سقلش وزیرلیگی تامانیدن بیریلگن معلومات لر گه کوره حاضرگی کون گه قدر اوشبو کسللیک سببلی 30 کیشی نینگ حیاتی نی یوقاتگن لیگی بیلدیریلماقده.