صدیق صدیقی: طالبان بیلن اوچره شوولرنینگ باشله شی اوچون آتشکیسین نینگ عملی بولیشی کیره ک

افغانستان جمهور رئیس لیک سوزچیسی صدیق صدیقی تینچلیک اوچره شوولری حقیده بیانات بیردی.

صدیق صدیقی: طالبان بیلن اوچره شوولرنینگ باشله شی اوچون آتشکیسین نینگ عملی بولیشی کیره ک

افغانستان جمهور رئیس لیک سوزچیسی صدیق صدیقی، طالبان بیلن افغانستان حکومتی اورته سیده تینچلیک اوچره شوولری نینگ باشله شی اوچون فعالیتلرنینگ آلیب باریله یاتگن لیگینی ایتدی.

صدیقی بیرگن بیاناتیده، طالبان نینگ تینچلیک پروسه سی گه قتنه شیشی اوچون کتته فرصتلر یراتیلگن لیگینی بیلدیردی.

آتشکیسین نینگ عملی بولیشی اوچون طالبان نینگ یخشی لب اویله شی کیره ک دیب ایتگن صدیقی جنابلری،

"طالبان آتشکیسین نی عملی قیلسه، افغانستان حکومتی بیلن طالبان اورته سیده یوزمه یوز اوچره شوولر باشلنه دی" دیدی.

باشقه تاماندن توناون کونی طالبان گروهیدن بیریلگن بیاناتده، امریکا قوشمه ایالتلری بیلن آلیب بارگنلیکلری اوچره شوولرنینگ نتیجه لنیشی کیره ک دیب افاده ایتیلگن.

اوچره شوولر نتیجه لنمه گنده، کیلیشووگه قول قوییلمه گنده و افغانستان حکومتی بیلن یوزمه یوز اوچره شوولر باشلنمه گن تقدیرده آتشکیسین نینگ بولمس لیگی بیلدیریلدی و بو توغریده جدی اورونیشلرنینگ باشله مه گن لیگی قید ایتیلدی.

اوتگن آیلرده یریم قالگن امریکا قوشمه ایالتلری – طالبان اوچره شوولریگه قالگن جاییدن دوام ایتیش گه تیار ایکنلیکلری اورغولندی.

امریکا قوشمه ایالتلری دولت باشلیغی داند ترامپ، امریکا قوشمه ایالتلری – طالبان اورته سیده 2018 – ییلی دسامبر آییدن بیری دوام ایتیب تورگن تینچلیک اوچره شوولرینی 5 سپتامبرده امریکا قوشمه ایالتلری حربی لریگه قره ته اویوشتیریلگن  و مسؤلیتینی طالبان گروهی اوز بوینی گه آلگن ترورچیلیک هجوملری باعث توخته تیب قویگن ایدی.



علاقه لی ینگی لیکلر