کابل ده انفجار عاقبتیده کوپلب کیشی جان بیردی

افغانستان پایتختی کابل نینگ توقیزینچی ناحیه سی شش درک منطقه سیده انفجار حادثه سی یوز بیردی. 

افغانستان ایچکی ایش لر وزیرلیگی نینگ سوزچیسی نصرت رحیمی, افغانستان وقتی بیلن بوگون ایرته لب ساعت 10:10 ده بیرینچی مکروریان یولیده منفجره مواد یوکلنگن بیر موتر نینگ پارتله گن لیگی نی بیلدیردی.

ایچکی ایش لر وزیرلیگی اوشبو حادثه عاقبتیده 10 نفر عادی اهالی نینگ جان بیرگن لیگی و 42 کیشی نینگ ایسه یره لنگن لیگی نی بیلدیردی. 

اوشبو حمله نینگ مسئولیتی نی اوز ذمه سی گه آلگن طالبان گروهی نینگ سوزچیسی ذبیح الله مجاهد ایسه خوددی شوو حادثه عاقبتیده خارجی و داخلی کوچ لر دن 20 کیشی نینگ جان بیرگن لیگی نی ادعا ایتدی. 

مجاهد, خوددی شوو جان بیرگن کیشی لرنینگ 12 نفری نینگ چیت ایللیک و 8 کیشی سی نینگ ایسه افغانستان لیک ایکن لیک لری نی معلوم قیلدی.