بغلان ولایتیده کوپلب جنگری اولدیریلگن

بغلان ولایتی امنیه قوماندان لیگی توناوکون (چهار شنبه) بیرگن بیاناتیده, افغانستان حربی لری نینگ چیت ایللیک کوچلر بیلن اورتاق روشده اویوشتیرگن عملیاتی نتیجه سیده اون آلتی نفر جنگری نینگ اولدیریلگن لیگی نی بیلدیردی. 

اوشبو عملیات لر نینگ پیاده و هوایی کوچلر تامانیدن دند غوری منطقه سیده اویوشتیریلگن لیگی معلوم قیلیندی.

عینی دمده اوشبو عملیات لر نتیجه سیده جنگری لرنینگ مرکز لری نینگ هم یوق قیلینگن لیگی بیلدیریلدی. 

بغلان ولایتی امنیه قوماندان لیگی اوشبو عملیات لر جریانیده افغانستان و چیت ایللیک حربی لرنینگ تلفاتی باره سیده ایسه معلومات بیرمه دی. 

اوشبو خصوصده طالبان داخل دولت نینگ قوراللی مخالف لری تامانیدن ایسه هیچ قنده ی بیر بیانات بیریلمه دی.