افغانستانده طالبان بیر اولسواللیککه حمله قیلدی

طالبان گروهی جنگری لری افغانستان شرقیده جایلشگن پکتیا ولایتی جانی خیل اولسواللیگی گه حمله قیلدی. 

بوگون (سه شنبه) محللی مسئول لر تامانیدن بیریلگن معلوماتلر گه کوره, اوشبو حادثه عاقبتیده خوفسیزلیک کوچلریدن 16 کیشی جان بیرگن. 

خوددی شوو جان بیرگن کیشی لرنینگ 13 نفری عسکر و 3 کیشی سی ایسه پولیس بولگن. 

عینی دمده رسمی لرنینگ بیرگن معلوماتی گه کوره, ینه 13 عسکر ایسه یره لنگن. 

پکتیا والی لیگی سوزچیسی جنگری لرنینگ اوشبو اولسواللیکه حمله قیلگن لیک لری نی تائید ایترایکن, توناوکون کیچه باشله گن توقنه شوو لرنینگ بوگون ایرته لب اداققه ییتگن لیگی نی معلوم قیلدی. 

سوزچی, اوشبو توقنه شوو لر جریانیده ییگیرمه سککیز جنگری نینگ جان بیرگن لیگی و توقّیز طالبان گروهی منسوبی نینگ ایسه یره لنگن لیگی نی بیلدیردی.