اشرف غنی جنرال دوستم بیلن اوچره شدی

افغانستان جمهوررئیسی محمد اشرف غنی جمهوررئیسلیگی قصریدن عبارت ارگده بیرینچی اورینباسری سترجنرال عبدالرشید دوستم بیلن اوچره شدی. 

خودی شوو اوچره شوو جریانیده امنیتی مسئله لر, طالبان بیلن آتشکیسین اعلان قیلینیشی و یقینده بولیب اوته دیگن سیلاو لر توغریسیده فکر المه شیلگن لیگی بیلدیریلدی. 

محمد اشرف غنی توناوکون راجستر قیلینگن سیاسی حزب لر نینگ نماینده لری بیلن اوتکزگن ییغیلیشی جریانیده رمضان هییت بیرمیده طالبان بیلن بولگن آتشکیسین توغریسیده بحث ایترایکن, قربان هییت بیرمیده هم طالبان بیلن بونده ی بیر آتشکیسین اعلان ایتیلیشی اوچون افغانستان دولتی نینگ ایریم تیارگرلیک لر اوتکزیاتگن لیگی نی بیلدیردی. 

بوندن آلدین افغانستان جمهوررئیسلیگی سوزچیسی هارون چخانسوری هم بیرگن بیاناتلریده دولت نینگ قربان هییت بیرمیده طالبان بیلن آتشکیسین اعلان قیلیشی نینگ ممکن ایکن لیگی نی معلوم قیلگن ایدی. 

عینی دمده جمهوررئیسی غنی اوشبو مشورتی اوچره شوولر دایره سیده بیرینچی اورینباسری عبدالرشید دوستم دن تشقری، عبدالرب عبدالرسول سیاف، حضرت صبغت‌الله مجددی، محمدیونس قانونی، عطامحمد نور، محمد محقق، محمد خان، گلبدین حکمتیار، محمدکریم خلیلی، محمدالماس زاهد، میر امان الله گذر، اقبال صافی، دین‌محمد، عبدالحکیم منیب، محمد اکبری، سید حامد گیلانی، انورالحق احدی، عبدالهادی ارغندیوال، عطاالله لودین و سابق جمهوررئیسی حامد کرزی کبی ایریم شخصیت لر بیلن هم اوچره شدی.