افغانستان شمالیده داعش جنگری لری کیچیک اوغیل باله لر بیلن اویلنگن
اوشبو مطلب نی بیر نیچه کون آلدین دولت گه تسلیم بولگن کیچیک یاشلی داعش جنگری لری بیلدیردی
اوتگن هفته ده افغانستان شمالیده جایلشگن جوزجان ولایتیده دولت گه تسلیم بولگن ترور تشکیلاتی داعش جنگری لری ایچیده اورین آلگن کیچیک اوغیل باله لر قوماندان لری نینگ اولر بیلن اویلنگن لیک لری نی معلوم قیلدی.
خوددی شوو باله لر آره سیدن 14 یاشلی بیر باله, دواملی روشده بیر داعش قوماندانی تامانیدن جنسی تجاوز قیلینگن لیگی نی بیلدیردی.
اوشبو باله, داعش جنگری لری نینگ جوزجان ولایتی درزاب اولسواللیگی و تیگره گیده گی منطقه لردن تقریباً 50 اوغیل باله نی اوشبو مقصد بیلن توپله گن لیگی نی معلوم قیلدی.
باله لری بونده ی قیین چیلیککه دوچ کیلیب قالگن عایله لر ایسه دولت دن اوشبو داعش جنگری لری گه قرشی اقدام قیلیشی نی طلب ایتماقده.
جوزجان ولایتیده دولت گه تسلیم بولگن داعش قوماندان لریدن بیری بولگن مولوی حبیب الرحمن ایسه اولر گه قرشی دسیسه قیلینگن لیگی نی بیلدیردی.
