کابلده بیر فرقه گه قوراللی هجوم اویوشتیریلدی

بوگون ایرته لب افغانستان پایتختی کابلده مارشال فهیم حربی عالی بیلیم یورتی گه یقین بیر جایده اورین آلگن 111 فرقه سی گه قره ته قوراللی هجوم اویوشتیریلدی. 

خودی منه شوو حمله گه 5 نفر هجومچی نینگ اشتراک ایتگن لیگی بیلدیریلدی. 

اوشبو هجومچی لردن بیر نفری نینگ خوفسیزلیک کوچ لری تامانیدن اوشلنگن لیگی معلوم قیلیندی. 

مذکور حادثه عاقبتیده حاضرگه چه ایککی عسکر نینگ جان بیرگن لیگی و 10 حربی نینگ ایسه یره لنگن لیگی بیلدیریلماقده. 

هجومچی لر نینگ بیر قسمی نینگ مارشال فهیم حربی عالی بیلیم یورتی نینگ ایچی گه کیریب آلگن لیک لری و شونده ی قیلیب توقنه شوو لر نینگ دوام ایتیاتگن لیگی معلوم قیلیندی. 

بیراق, ملی مدافعه وزیرلیگی مارشال فهیم حربی عالی بیلیم یورتی گه قره تیلگن هجوم نی رد ایتماقده.

اوشبو حمله نینگ مسئولیتی نی ایسه حاضرچه هیچ بیر تامان اوز بوینی گه آلگن ایمس.    

شنبه کونی سابق ایچکی ایش لر وزیرلیگی جاده سیده اویوشتیریلگن انتحاری هجوم عاقبتیده هم یوزلب کیشی جان بیرگن و یره لنگن ایدی.