بشیر احمد ته ینچ نینگ پارلمان اعضالیگی تعلیق قیلیندی

افغانستان پارلمانی منظم روشده جلسه لر گه اشتراک ایتمه گن لیک لری سببلی 4 پارلمان اعضاسی نینگ عضویتی نی تعلیق قیلدی. 

اوشبو خصوصده بوگون ایرته لب افغانستان پارلمانی عمومی کینگشیده قرار آلیندی. 

شونده ی قیلیب 20 کون پارلمان نینگ جلسه لری گه اشتراک ایتمه گن لیک لری سببلی بشیر احمد ته ینچ, پروین درانی, فرشته انوری و احمد بهزاد نینگ پارلمان اعضالیک لری تعلیق قیلیندی. 

پارلمان باشلیغی عبدالرووف ابراهیمی, اوشبو وکیل لرنینگ ایندی برچه وکیل لیک حق لریدن محروم ایکن لیک لری و پارلمان گه کیله آلمیدیگن لیک لری نی بیلدیردی.

پارلمان باشلیغی نینگ بیرینچی اورینباسری همایون همایون ایسه, خودی منه شوو قیصله نینگ قیلینگن جلسه گه اشتراک قیلمه گن لیگی نی معلوم قیلدی.  همایون, اوشبو تصمیم نینگ باشقه کوچلی کیشی لر اوچون هم آلینیشی کیره ک ایکن لیگی نی بیلدیردی.

پارلمان اعضا لری نینگ بیر قسمی ایسه اوشبو تصمیم گه قرشی اعتراض قیلدیلر. 

وردک وکیلی غلام حسین ناصری, خودی منه شوو تصمیم نینگ یخشی بیر قرار دن عبارت ایکن لیگی نی بیلدیررایکن, بیراق, اوشبو خصوصده تبعیض نینگ بحث موضوعی بولگن لیگی نی معلوم قیلدی. 

پارلمان نینگ اداری هیئتی ایسه, قانون گه کوره, بیر وکیل نینگ 20 کون لیک بیر مدت بیلن دواملی روشده جلسه لر گه اشتراک ایتمس لیگی تقدیرده, وکیل لیگی نینگ تعلیق قیلینیشی کیره ک ایکن لیگی نی بیلدیرماقده. 

بیراق, وکیل لیک لری تعلیق قیلینگن پارلمان اعضا لری ایسه حاضرچه اوشبو خصوصده اوز فکر لری نی بیلدیرگن ایمس.