پایتخت کابلده ینه بیر افغانستان حربی سی تروریزم قربانی بولدی

افغانستان پایتختی کابلده افغانستان اردوسی نینگ بیر نفر منسوبی کیم ایکن لیگی معلوم بولمه گن قوراللی کیشی لر تامانیدن آتیب اولدیریلدی. 

اوشبو حادثه بیشینچی ناحیه ده یوز بیردی. 

افغانستان مدافعه وزیرلیگی تامانیدن بیریلگن بیاناتده, حادثه بیلن علاقه لی تیکشیرو لر نینگ باشله گن لیگی بیلدیریلدی.

عینی دمده بیاناتده, اوشبو تیکشیرو لرنینگ نتیجه بیریشی تقدیرده, ینه ده چقوریراغ تحقیقات نینگ عمل گه آشیریله دیگن لیگی قید ایتیلدی. 

توناوون هم افغانستان پایتختی کابلده اداری فساد گه قرشی عدلی و قضائی کوره ش اداره سی نینگ ایککی پرسونلی ایریم ناتانیش کیشی لر تامانیدن آتیب اولدیریلگن ایدی.

بوندن تشقری, اوتگن دوشنبه کونی هم بیر نفر امنیتی پرسونل نینگ ینه ناتانیش قوراللی کیشی لر تامانیدن آتیب اولدیریلگن لیگی بیلدیریلگن ایدی. 

اوشبو قوراللی هجوم لرنینگ مسئولیتی نی حاضرچه هیچ بیر تامان اوز بوینیگه آلگن ایمس. 

خودی منه شو حادثه لر و اوتگن آیده کابلده اورین آلگن سردار محمد داوود خان حربی کسل خانه سی گه قرشی اویوشتیریلگن و اونلب کیشی نینگ جان بیریشی گه سبب بولگن انتحاری هجوم گه قره گنده سونگگی پیت لرده پایتخت کابل نینگ امنیتی وضعیتی نینگ یمان له شیب باریتگن لیگی کورینماقده.