افغانستانده نوروز بیرمی
افغانستانده, گل سرخ میله سی یاکه ینگی ییل نینگ بیرینچی کونی معنی سی گه کیله دیگن نوروز مینگلب ییل لیک تاریخ گه ایگه
نوروز هجری شمسی ییلی نینگ بیرینچی کونیدن عبارت. اوشبو کون افغانستان, ترکمنستان, تاجیکستان، اوزبیکستان، قزاقستان، قرغیزستان، عراق، ترکیه، پاکستان، هندوستان، روسیه، آلبانیا، چین، جاپان، ایران و آذربایجان کبی اولکه لرده قیزغین کوتیب آلینماقده.
افغانستانده ایسه, گل سرخ میله سی یاکه ینگی ییل نینگ بیرینچی کونی معنی سی گه کیله دیگن نوروز مینگلب ییل لیک تاریخ گه ایگه.
افغانستان نینگ شهر لریده و اینیقسه مزار شریف شهریده اوشبو کون کتته مراسم لر بیلن کوتیب آلینه دی.
افغانستانده اینیقسه اوزبیک لرنینگ عایله لریده اوشبو کونگه خاص بولگن سومه لیک تیارله نه دی. یاش قیز لر خودی منه شو سومه لیک نینگ پشیریلیتگن پیتده دف چالیشیب اوشبو کون گه خاص قوشیق لر ایتیشه دیلر.
نوروز دیگنده باله لر نی هم ایسدن چیقارمس لیک کیره ک البته که. باله لر خودی منه شوو کون نینگ اوزیده ینگی کییم لری نی کییب آلیب خوشحال لیک قیله دیلر.
نوروز اوچون تیارلنگن طعام لرنینگ تارتیق قیلینه دیگن سفره لر ده عایله نینگ کتته سی تورده اوتیریب, ینگی ییل نینگ تینچ و برکتلی بیر ییل بولیشی اوچون تنگری تعالی گه دعا قیله دی.
انسان لر اوشبو کونده تفریحی جای لر گه باریشیب خاردق چیقاره دیلر.
ایریم منطقه لرده ایسه نیزه بازلیک, کوپکری و تیوه چاپتیریش کبی تفریحی نمایش لر هم ترتیب له نه دی البته که.
یوقاریده هم ایتیب اوتگنی میز دیک, اساساً اوشبو کون نینگ ام البلاد یعنی مزار شریف شهریده قیزغین کوتیب آلینیتگن لیگی بیلینگن بیر حقیقت نی تشکیل ایتماقده.
مزار شریفده نوروز شاه اولیا حضرت علی نینگ جهنده سی نینگ کوتریلیشی بیلن باشلب کیته دی. اوشبو مراسم گه دولت مقام لری و کوپلب اهالی اشتراک ایته دی. خودی منه شوو مراسم گه فقط گینه مزار شریف ایمس, بلکه افغانستان نینگ باشقه شهر لریدن کیلگن کیشی لر هم قتنشه دی.
مزار شریف نینگ هجری شمسی 1396 نچی ییلی نینگ بیرینچی کونیدن عبارت بولگن نوروز نینگ کوتیب آلینیشی اوچون بیر میلیون دن آرتیغراق مهمان نی اوز بغری گه باسیش گه تیار ایکن لیگی بیلدیریلدی.
مزار شریف اهالی سی اوشبو کون نینگ قیزغین بیر شکلده کوتیب آلینیشی اوچون اوی لری و کوچه لری نی پاک و تمیز قیلدیلر.
مولا علی جهنده سی نینگ کوتریلیشی آرتیدن انسان لر کوپکری سنگری تفریحی برنامه لر گه اشتراک ایتیش اوچون خودی منه شوو اوین لرنینگ بولیب اوته دیگن جای لر گه کیته دیلر.
مزار شریفده گی گل سرخ میله سی قیرق کون دوام ایته دی.
فقط گینه مزار شریفده ایمس بلکه افغانستان نینگ کابل, غزنی, هرات, بدخشان, بامیان و قندهار سنگری باشقه شهر لریده هم بونگه اوخشش مراسم لر بولیب اوته دی.
کیریب کیلگن ینگی ییلینگیز و نوروزینگیز قوتلوغ بولسین عزیزلر.
علاقه لی ینگی لیکلر
امیرخان متقی قوشنی 3 اولکه نینگ ترور تشکیلاتی داعش نی قوللب – قوتله گن لیگینی ادعا ایتدی
متقی پایتخت کابل ده گی بیر کورگزمه ده سوزگه چیقیب بیانات بیردی
